Gherbtiki gazni sherqqe yötkesh turubisi'idin resmiy gaz mangghuzuldi



Share

Xitayning Uyghur élidin bashlap, xitayning sherqiy déngiz boyighiche tutashturulghan gherbtiki gazni sherqqe yötkesh gaz turubisidin 9 - ayning 1 - küni, pilandin bir ay burun resmiy gaz mangghuzuldi.

Fransiye axbarat agéntliqining xewirige qarighanda, 4 ming kilométir uzunluqtiki bu gaz turubisigha jem'iy 5 milyard 2 yüz milyon amérika dolliri serp qilin'ghan bolup, bu gaz turubisi bilen Uyghur élidin yiligha 12 milyard kup métir tebi'iy gaz xitayning sherqiy rayonigha yetküzilidiken.

Uyghur élidiki tarim néfitlikining omumiy tebi'iy gaz zapas miqdari 8 tirilyon 4 yüz milyard kup métirgha yétidighanliqi mölcherliniwatqan bolup, hazirghiche buning 658 milyard kup métiri éniqlan'ghan. Shundaqla xitay da'iriliri tarim oymanliqida -2010 yilghiche tebi'iy gaz qidirish miqdarini 1 tirilyon kup métirgha yetküzüshni pilanlimaqta.

Uyghur élidiki yerlik xelqler we chet'ellerdiki Uyghur pa'aliyetchiliri bir tereptin, xitayning Uyghur élidiki tebi'iy bayliqlardin paydilinishta, bu bayliqlarning igisi bolghan yerlik xelqlerni héchqandaq paydigha érishtürmigenlikini eyiblise, yene bir tereptin xitayning bayliqlarni échishta ékilogiyilik muhitqa déqqet qilmaywatqanliqidin naraza'i bolmaqta. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet