Тарим - шаңхәй тәбиий газ турубиси шаңхәйни газ билән тәминләшкә башлиди


2004.10.01
Share on WhatsApp
Share on WhatsApp

Хәлқара кишилик һоқуқ органлири вә чәтәлдики уйғур тәшкилатлириниң қарши турушиға учриған тарим - шаңхәй тәбиий газ турубиси, 1 - өктәбирдин башлап шаңхәйни газ билән тәминләшкә башлиди.

Уйғур аптоном раюниниң бүгүр әтрапидин башлинидиған газ турубиси шәншидики чаңчиңға бариду. Бу йәрдин шаңхәйгә газ йоллайду. Газ турубисиниң омуми узунлуқи 4 миң к м болуп, мәкур қурулушқа 18 милярт доллар мәбләғ кетидиғанлиқи пәрәз қилинмата иди. Қурулушқа кетидиған мәбләғниң 4 - 5 миляртини хитай нефит ширкити чиқарған. Бу йил 8 - айда мәзкур қурулушқа мәбләғ селиш нийитидики бәзи хәлқара ширкәтләр мәбләғ селиштин ваз кәчкәнлигини җакалиған иди.

Росийәниң газ перум, америкиниң шелл, ексан мобил қатарлиқ ширкәтләр мәзкур қурулуштин чекинип чиққан. Хитай нефит ширкити қурулушни өз алдиға елип баридиғанлиқини билдүргән. Көзәткүчиләр, чәтәл ширкәтлириниң мәзкур қурулуштин чекинип чиқишидики сәвәпләр, қурулушниң сияси нишанни көздә тутуп ясалғанлиқи, иқтисади үнүми көзләнгән пайдини яриталмайдиғанлиқи дәп қариған. Чәәлдики тәшкилатлири болса қурулушни хитай һөкүмитиниң уйғурларни булаң- талаң қилиш һәркити дәп ейиплигән. Хәлқара муһит қоғдаш органлири, газ турубиси өтидиған раюнларниң екилогийәлик муһити тәһдит астида қалидиғанлиқини сәвәп қилип, мәзкур қурулушқа қарши чиққан. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.