Уйғур елиниң тәбиий гези, шаңхәйдики бәйе йезисиға туташтурулди


2004.10.19
Share on WhatsApp
Share on WhatsApp

Ғәрбниң гезини шәрққә йөткәш қурулушлиридин, ақсу қара 2 - тәбиий газ қудуқи, нәччә күн илгири шаңхәй чиңпу бейе йезисиға туташтурулған. Хитай хәвәр агентлиқиниң хәвиридин мәлум болушичә, ғәрбтики ақсудин шаңхәйдики бейе йезисиғаға қәдәр туташтурулған мәзкур туруба узунлуқи 4000 километир келидиған тәбиий газ қурулушиниң асаслиқ чоң томури һесаблинидикән.

Қара 2 - тәбиий газ қудуқи, тарим ойманлиқиниң, ақсу чегриси ичидики ғәрбниң гезини шәрққә йөткәш қурулушиниң әң муһим қисми һесаблинип, хитайниң шаңхәй, җең җов, нәнҗиң қатарлиқ шәһәрлирини 30 йилдин 35 йилғичә газ билән тәминләйдикән.

Дуня уйғур қурултийиниң баянатчиси дилшат ришитниң ейтишичә, уйғур елиниң тәбиий газ вә нефити билән хитай өлкилирини узун муддәт тәминләш сияситини уйғур елиниң байлиқини йөткәп қурутуш сиясити дәп қариған чәтәлләрдики уйғур паалийәтчилири, хитай һөкүмитиниң мәзкур қурулишини уйғур елида юргузватқан иқсадий булаңчилиқ сияситиниң юқири пәллиси әп тонуйдикән. (Әқидә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.