Tarim - shangxey tebi'iy gaz turubisi xitaylarning éhtiyajini qanduralmidi


2005.01.21
Share on WhatsApp
Share on WhatsApp

Dölet igilikidiki xitay néfit shirkiti, 2020 - yilghiche Uyghur élidin xitayning ichkiri ölkilirige tutushidighan tebi'iy gaz turubisidin yene birni yatquzushni pilanlimaqtiken .

Xewerlerge qarighanda 2004 - yili resmi ishqa kirishtürülgen tarim - shangxey tebi'iy gaz turubisi, xitayning tebi'iy gaz énérgiyisige bolghan éhtiyajini qamdiyalmighan.

Dunya bazarlar tetqiqat merkizidiki analizchilarning ashkarilishiche, mezkur pilan téxi tetqiqat basquchida bolup, yéngi gaz turubisi yiligha 26 milyard küp métir gaz toshush iqtidargha ige qilip layihilinishi mumkin. Hazir meshghulat élip bériwatqan tarim - shangxey tebi'iy gaz turubisining omumi uzunluqi 3000 k m bolup, yilliq gaz toshush iqtidari 12 milyard küp métir.

Xitayning omumi tebi'iy gaz zapisi 2.2 Triliyon küp métir bolup, yiligha 40 milyard küp métir tebi'iy gaz ishlepchiqiridu. Xitaylar 2020 -yilghiche tebi'iy gaz ishlepchiqirishni 120 milyard küp métirgha köpeytishni pilanlighan.

Analizchilar, xitaylarning - shangxey tebi'iy gaz turubisi pilanidiki netijige érishmey turup, yene bir gaz turubisi yatquzushni pilanlash, qaramliq bilen élip bérilghan heriket, dep qarighan. Xewerlerge qarighanda tarim -shangxey tebi'iy gaz turubisidin gaz sétiwélish toxtimi tüzgen orunlar aran 40 etrapida bolup, bu xitay néfit shirkitining pilanidikidin köp az iken. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.