خىتاي ئۇيغۇر ئېلىنىڭ تەبىي گازلىرىنى يۆتكەشنى جىددىيلەشتۈرمەكتە


2005.05.08
Share on WhatsApp
Share on WhatsApp

خىتاينىڭ تەڭرى تاغ تورىنىڭ ئۇچۇرىغا قارىغاندا خىتاي دائىرىلىرى بۇ يىلنىڭ بىرىنچى پەسلىدە تەبىي گاز توشۇش تۇرۇبىسى ئارقىلىق تارىم ئويمانلىقىدىن 10 مىليون كۇپ مېتىر تەبىي گازنى خىتاينىڭ شەرقىي رايونلىرىغا يۆتكەپ كەتكەن.

خىتاي دائىرىلىرى بۇ يىل 1-ئايدىن ئېتىبارەن غەربنىڭ گېزىنى شەرققە يۆتكەش دەپ ئاتالغان ئىقتىسادىي پىلانىنى باشلاپ، بىر تەرەپتىن تارىم ئويمانلىقىدىكى تەبىي گاز زاپاسلىرىنى تېپىش ۋە قېزىش ئىشلىرىنى كۈچەيتسە، يەنە بىر تەرەپتىن ئۇنى خىتاينىڭ شەرقىي ئۆلكىلىرىگە يۆتكەشكە بولغان كاپالەتنى ئاشۇرغان.

خىتاينىڭ شەرق-غەرب تەبىي گاز تۇرۇبىسى گەنسۇ، نىڭشا، خېنەن، جياڭسۇ قاتارلىق 10 ئۆلكىنى بېسىپ ئۆتۈپ، شاڭخەيگە تۇتاشقان بولۇپ، ئىگىلىگەن ئۇچۇرلارغا قارىغاندا تەبىي گازنىڭ ئۇيغۇر ئېلىنىڭ بازارلىرىدا سېتىلىش تەننەرقى شاڭخەي قاتارلىق جايلاردىكىدىن قىممەت ئىكەن.

ئۇنىڭدىن سىرت يەنە تارىم ۋادىسىدىكى ئۇيغۇرلارغا تەبىي گازدىن ئەرزان باھادا پايدىلىنىش مۇمكىنچىلىكى يارىتىلمىغان. ئۇيغۇر دېھقانلىرىنىڭ ئىقتىسادىي كىرىمى ناھايىتى تۆۋەن بولغانلىقتىن ئۇلارنىڭ تەبىي گازدىن پايدىلىنىشقا قۇربى يەتمىگەن.

تەڭرى تاغ تورىنىڭ ئۇچۇرىغا قارىغاندا، تارىم ئويمانلىقىدىكى تەبىي گاز مىقدارى خىتاينىڭ شەرقىي رايونلىرىنى 30 يىل تەمىنلەشكە يېتىدىكەن. (ئۈمىدۋار)

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت