Xitay Uyghur élining tebiy gazlirini yötkeshni jiddiyleshtürmekte

Xitayning tengri tagh torining uchurigha qarighanda xitay da'iriliri bu yilning birinchi peslide tebiy gaz toshush turubisi arqiliq tarim oymanliqidin 10 milyon kup métir tebiy gazni xitayning sherqiy rayonlirigha yötkep ketken.

Xitay da'iriliri bu yil 1-aydin étibaren gherbning gézini sherqqe yötkesh dep atalghan iqtisadiy pilanini bashlap, bir tereptin tarim oymanliqidiki tebiy gaz zapaslirini tépish we qézish ishlirini kücheytse, yene bir tereptin uni xitayning sherqiy ölkilirige yötkeshke bolghan kapaletni ashurghan.

Xitayning sherq-gherb tebiy gaz turubisi gensu, ningsha, xénen, jyangsu qatarliq 10 ölkini bésip ötüp, shangxeyge tutashqan bolup, igiligen uchurlargha qarighanda tebiy gazning Uyghur élining bazarlirida sétilish tennerqi shangxey qatarliq jaylardikidin qimmet iken.

Uningdin sirt yene tarim wadisidiki Uyghurlargha tebiy gazdin erzan bahada paydilinish mumkinchiliki yaritilmighan. Uyghur déhqanlirining iqtisadiy kirimi nahayiti töwen bolghanliqtin ularning tebiy gazdin paydilinishqa qurbi yetmigen.

Tengri tagh torining uchurigha qarighanda, tarim oymanliqidiki tebiy gaz miqdari xitayning sherqiy rayonlirini 30 yil teminleshke yétidiken. (Ümidwar)