Газпрем ширкити хитайлар билән тәбий газ тоғрисида сөһбәт елип бериватиду


2005-09-23
Share

Русийә тәбий газ ширкити газпремниң чаршәнбә күни ашкарилишичә, хитайниң дөләт игиликидики үч чоң тәбий газ вә нефит ширкити газпрем билән уйғур аптоном райони вә хитайниң шәрқий - шималиға тутушидиған икки турубида хитайни тәбиий газ билән тәминләш мәсилиси бойичә сөһбәт елип бармақта.

Газпремниң муавин мудири александир медведев, хитайни йилда 60 милйон куп метир газ билән тәминләш тоғрисида хитайлар сөһбәт елип бериватқанлиқини билдүрди.

Франсийә ахбарат агентлиқиниң хәвәр қилишичә, русийидин башлинидиған икки тәбиий газ турубисиниң бири уйғур аптоном районида шаңхәй - тарим тәбий газ турубиси билән туташтурулуши мумкин. Газпрем илгири тарим - шаңхәй тәбиий газ туруба қурулушиға шерик болуштин ваз кәчкән.

Хитайлар буниңдин илгири қазақистан билән тәбиий газ тохтими түзүп, ата- су билән алатав вә майтағ арисиға тәбиий газ турубиси ятқузмақта иди.

Хитайниң иқтисади тәрәққияти униң ениргийигә болған еһтияҗини күчәйтмәктә. Униң тәбиий газға иһтияҗи 2010 - йилға барғанда 100 милярд куп метирдин 125 милярт куп метирғичә көпийидикән.

Бу арида җүмә күни җоңго нефит ширкити 2010 - йилғичә нефит - тәбиий газ туруба қурулушиға 12 милярд доллар мәбләғ селип, хитай тәбиий газ вә нефит турубилириниң 15 миң километир узартилидиғанлиқини елан қилди. Бу қазақистан билән уйғур аптоном райониниң майтағ нефит базиси арисида нефит турубиси ятқузуш пиланини өз ичигә алидикән. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт