Gazprém shirkiti xitaylar bilen teb'iy gaz toghrisida söhbet élip bériwatidu


2005-09-23
Share

Rusiye teb'iy gaz shirkiti gazprémning charshenbe küni ashkarilishiche, xitayning dölet igilikidiki üch chong teb'iy gaz we néfit shirkiti gazprém bilen Uyghur aptonom rayoni we xitayning sherqiy - shimaligha tutushidighan ikki turubida xitayni tebi'iy gaz bilen teminlesh mesilisi boyiche söhbet élip barmaqta.

Gazprémning mu'awin mudiri aléksandir médwédéw, xitayni yilda 60 milyon kup métir gaz bilen teminlesh toghrisida xitaylar söhbet élip bériwatqanliqini bildürdi.

Fransiye axbarat agéntliqining xewer qilishiche, rusiyidin bashlinidighan ikki tebi'iy gaz turubisining biri Uyghur aptonom rayonida shangxey - tarim teb'iy gaz turubisi bilen tutashturulushi mumkin. Gazprém ilgiri tarim - shangxey tebi'iy gaz turuba qurulushigha shérik bolushtin waz kechken.

Xitaylar buningdin ilgiri qazaqistan bilen tebi'iy gaz toxtimi tüzüp, ata- su bilen alataw we maytagh arisigha tebi'iy gaz turubisi yatquzmaqta idi.

Xitayning iqtisadi tereqqiyati uning énirgiyige bolghan éhtiyajini kücheytmekte. Uning tebi'iy gazgha ihtiyaji 2010 - yilgha barghanda 100 milyard kup métirdin 125 milyart kup métirghiche köpiyidiken.

Bu arida jüme küni jonggo néfit shirkiti 2010 - yilghiche néfit - tebi'iy gaz turuba qurulushigha 12 milyard dollar meblegh sélip, xitay tebi'iy gaz we néfit turubilirining 15 ming kilométir uzartilidighanliqini élan qildi. Bu qazaqistan bilen Uyghur aptonom rayonining maytagh néfit bazisi arisida néfit turubisi yatquzush pilanini öz ichige alidiken. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet