Уйғур елидә иккинчи чоң тәбиий газ кани байқалди


2006-10-24
Share

Йеқинда уйғур елиниң ғәрбий җәнуб районидики бай наһийисидә, газ запас миқдари 150 милярд куп метир келидиған тәбий газ кани байқалған. Хитай агентлиқиниң бу һәқтә бәргән хәвиридин мәлум болушичә, мәзкур газ нефитлики ғәрбниң газини шәрққә йөткәш линийисиниң йәни хитай буйичә әң чоң газ нефитлики дәп тонулған қара 2 нефитлик базисидин қалса , иккинчи орунда туридиған әң чоң газ нефитлики болуп һесаблинидикән.

Уйғур елидин берилгән мәлуматларда көрситилишичә, бу йил ахириғичә, уйғур елидики тәбиий газ ишләпчиқириш миқдари 15 милярд куп метирдин ашқан болуп, уйғур ели хитайниң әң чоң газ ишләпчиқириш базисиға айланған. Бу қетим уйғур елиниң бай наһийисидә байқалған бу тәбий газ канини тепиш үчүн, тарим нефитлики шөбә ширкитиниң ишчилири 10 йил вақит сәрп қилған.

Материялларда көрситилишичә , бай наһийиси тарихта байлиқиниң моллуқи вә хәлқиниң баяшатлиқи билән даң чиқарған юрт болсиму , бирақ 1961 ‏- йилидики ачарчилиқ дәвридә, йәрлик һөкүмәт даирилири амбарлирида лиқ ашлиқ болушиға қаримай нәччә он миң уйғур деһқанлириниң ачлиқтин өлүп кетишигә сәвәбчи болған. Бай наһийиси бүгүнки күндиму нефит , газ қатарлиқ тәбиий байлиқлири билән тәң хәлқ турмуши начар болған намрат районлар қатарида атилип кәлмәктә. (Меһрибан)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт