Uyghur élide ikkinchi chong tebi'iy gaz kani bayqaldi


2006-10-24
Share

Yéqinda Uyghur élining gherbiy jenub rayonidiki bay nahiyiside, gaz zapas miqdari 150 milyard kup métir kélidighan tebi'y gaz kani bayqalghan. Xitay agéntliqining bu heqte bergen xewiridin melum bolushiche, mezkur gaz néfitliki gherbning gazini sherqqe yötkesh liniyisining yeni xitay buyiche eng chong gaz néfitliki dep tonulghan qara 2 néfitlik bazisidin qalsa , ikkinchi orunda turidighan eng chong gaz néfitliki bolup hésablinidiken.

Uyghur élidin bérilgen melumatlarda körsitilishiche, bu yil axirighiche, Uyghur élidiki tebi'iy gaz ishlepchiqirish miqdari 15 milyard kup métirdin ashqan bolup, Uyghur éli xitayning eng chong gaz ishlepchiqirish bazisigha aylan'ghan. Bu qétim Uyghur élining bay nahiyiside bayqalghan bu tebi'y gaz kanini tépish üchün, tarim néfitliki shöbe shirkitining ishchiliri 10 yil waqit serp qilghan.

Matériyallarda körsitilishiche , bay nahiyisi tarixta bayliqining molluqi we xelqining bayashatliqi bilen dang chiqarghan yurt bolsimu , biraq 1961 ‏- yilidiki acharchiliq dewride, yerlik hökümet da'iriliri ambarlirida liq ashliq bolushigha qarimay nechche on ming Uyghur déhqanlirining achliqtin ölüp kétishige sewebchi bolghan. Bay nahiyisi bügünki kündimu néfit , gaz qatarliq tebi'iy bayliqliri bilen teng xelq turmushi nachar bolghan namrat rayonlar qatarida atilip kelmekte. (Méhriban)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet