Иккинчи қетимлиқ ғәрбниң газини шәриққә йөткәш қурулуши башланди


2007-02-26
Share

Шаңхәй күндилик хәвәрләр ториниң 26 -февралдики хәвиригә қариғанда, хитайда күнсайин өрләватқан енергийә еһтияҗиға маслишиш үчүн, 2010 -йилиға қәдәр, хитай тәбий газ вә нефит туруба қурулушиниң көлимини 63 прсәнт кеңәйтидикән. Хитай нефит туруба линийиси идарисиниң директори су шифеңниң билдүрүшичә, мушу җәрянда, хитайда әслидә бар болған 40 миң километир узунлуқтики енергийә турубилириға йәнә 25 миң километир қошулидикән.

Буниң ичидики һалқилиқ қурулушлар, хитайниң иккинчи қетимлиқ ғәрбниң газини шәрққә йөткәш йәни уйғур елидики тәбий газларни деңиз бойи районлириға йөткәш туруба линийиси пиланини әмәлгә ашурушниму өз ичигә алидикән.

Хитай биринчи қетимлиқ 4 миң километирлиқ ғәрбниң газини шәрққә йөткәйдиған туруба линийисини 2004-йили тамамлиған иди.

2006 ‏- Йиллиқ статистикиға асасланғанда, уйғур дияриниң тәбий газ записи 1.29 Терлийон куп метир болуп хитай бойичә биринчи орунда туридикән. Уйғур дияридин, өткән йилила 140милярд куп метир газ записи байқалған болуп буниң 110 милярд куб метири тарим нифитликидин байқалған икән.

Мөлчәрлишичә, уйғур дияридики омуми газ записи 10 тирилйон куб метир болуп, хитай омуми газ записиниң4 тин бир қисмини игиләйдикән.

Тарим нифитликидин башланған 4 миң километирлиқ турубалинийси хитайниң шәнши өлкиси вә шәрқий хитайдики 34 шәһәргә тутишидикән. Хитай өткән йили мушу турблар билән10 милярд куп литир тәбий газни хитай өлкилиригә тошуп кетипту.

Униңдин башқа хитай йәнә, хәлқаралиқ нефит туруба линийсиниму кеңәйтишни пиланлаватқан болуп, әслидә бар болған уйғур дияри билән қазақстанни туташтуридиған туруба линийисини росийигичә кеңәйтиш истигидә болуветипту. (Җүмә)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт