Ikkinchi qétimliq gherbning gazini sheriqqe yötkesh qurulushi bashlandi


2007-02-26
Share

Shangxey kündilik xewerler torining 26 -féwraldiki xewirige qarighanda, xitayda künsayin örlewatqan énérgiye éhtiyajigha maslishish üchün, 2010 -yiligha qeder, xitay teb'iy gaz we néfit turuba qurulushining kölimini 63 prsent kéngeytidiken. Xitay néfit turuba liniyisi idarisining diréktori su shiféngning bildürüshiche, mushu jeryanda, xitayda eslide bar bolghan 40 ming kilométir uzunluqtiki énérgiye turubilirigha yene 25 ming kilométir qoshulidiken.

Buning ichidiki halqiliq qurulushlar, xitayning ikkinchi qétimliq gherbning gazini sherqqe yötkesh yeni Uyghur élidiki tebiy gazlarni déngiz boyi rayonlirigha yötkesh turuba liniyisi pilanini emelge ashurushnimu öz ichige alidiken.

Xitay birinchi qétimliq 4 ming kilométirliq gherbning gazini sherqqe yötkeydighan turuba liniyisini 2004-yili tamamlighan idi.

2006 ‏- Yilliq statistikigha asaslan'ghanda, Uyghur diyarining tebiy gaz zapisi 1.29 Térliyon kup métir bolup xitay boyiche birinchi orunda turidiken. Uyghur diyaridin, ötken yilila 140milyard kup métir gaz zapisi bayqalghan bolup buning 110 milyard kub métiri tarim nifitlikidin bayqalghan iken.

Mölcherlishiche, Uyghur diyaridiki omumi gaz zapisi 10 tirilyon kub métir bolup, xitay omumi gaz zapisining4 tin bir qismini igileydiken.

Tarim nifitlikidin bashlan'ghan 4 ming kilométirliq turubaliniysi xitayning shenshi ölkisi we sherqiy xitaydiki 34 sheherge tutishidiken. Xitay ötken yili mushu turblar bilen10 milyard kup litir tebiy gazni xitay ölkilirige toshup kétiptu.

Uningdin bashqa xitay yene, xelq'araliq néfit turuba liniysinimu kéngeytishni pilanlawatqan bolup, eslide bar bolghan Uyghur diyari bilen qazaqstanni tutashturidighan turuba liniyisini rosiyigiche kéngeytish istigide boluwétiptu. (Jüme)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet