Таримниң нефит гази тунҗи қетим бейҗиңға йәткүзүлди


2005.08.12
Share on WhatsApp
Share on WhatsApp

3 - Авғуст күни таримниң тәбиий гази, ғәрбниң газини шәрққә йәткүзүш туруба йоли арқилиқ тунҗи қетим бейҗиңға йәткүзүлгән.

Тәңритағ ториниң хәвиригә қариғанда, илгири бейҗиңға тәбий газни изчил шәнши чаңчиң нефитлики тәминләп кәлгән болуп, кейин шәнши-бейҗиң линийисидики газ билән тәминләш миқдари барғансери чәклимигә учриғачқа, бейҗиңниң газ ишлитиш еһтияҗини қандуралмай қалған.

Уйғур елидә чиқидиған мәзкур тор бети хәвиридә, "пайтәхт хәлқиниң газ ишлитиш еһтияҗини қандақ капаләтләндүрүш, җуңго нефит пай ширкити әң көңүл бөлүдиған мәсилә. Пайтәхттики аһалиләр буниңдин етибарән вәтинимизниң әң ғәрбидин йәткүзүлгән пакиз газни ишлитәләйдиған болди" дәп язған.

Нөвәттә хитайниң уйғур елидә елип бериватқан нефит қезиш хизмитидики қәдими барғансери тизлишип, нефит қезиш даириси техиму кеңийиватқан болуп, улар йәнә йеқиндила ақсу вилайитиниң нефит, тәбиий газ байлиқ бәлвиғиниң мәркизидики йеңи мәһәллә газлиқини қидириш ишлири үчүн 4 милярд 200 милйон юән мәбләғ салди. (Пәридә)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт