Хитай ғәрбниң газини шәрққә йөткәйдиған 2 - газ туруба линийисини ясимақчи


2006.03.31

Җуңго нефит ширкити, нүвәттики тарим - шаңхәй тәбий газ турубисиниң көлимини кеңәйтиш билән биргә, буниңға параллил қилип 2 - бир тәбий газ туруба линийсини ясаш пилани үстидә тәтқиқат елип бармақта икән.

Җуңго малийә - иқтисад гезитиниң хәвәр қилишичә, җуңго нефит ширкити лайиһиләш иниститутиниң бир әмәлдари, 2 - тәбий газ туруба линийисиниң уйғур аптоном районидин башлинидиғанлиқини, лекин һазирчә қәйәрдин башлинидиғанлиқи техи муқимлашмиғанлиқини билдүргән. Шуниң билән биргә ,җуңго нефит ширкити тарим - шаңхәй тәбий газ турубисиниң көлимини кеңәйтип, йилиға 12 милярд куп метир газ еқитиш сиғимини 17 милярд куп метирға чиқармақчи икән.

Нөвәттә мәзкур газ турубиси хитай өлкилирини йилиға 8 милярд куп метир тәбий газ билән тәминлимәктә. Лекин мәзкур қурулуш шәрқий түркистан тәшкилатлири вә хәлқара муһит қоғдаш органлири тәрипидин йәрлик хәлқниң байлиқини талаң қилиш вә муһитқа бузғунчилиқ қилиш ролини ойнайду, дәп әйибләнгән. Лекин хитай һөкүмити бу қурулуш йәрлик хәлқниң иқтисади әһвалини яхшилаш ролини ойнайду, дәп ақлимақта. Малийә - иқтисад гезити бу һәқтики хәвиридә, "йеңи қурулидиған тәбий газ турубиси шәрқтики електир истансилириниң күнсери күчийиватқан тәбий газ еһтияҗини қамдашни мәқсәд қилған " дәйду.

Көзәткүчиләрниң әскәртишичә, хитай һөкүмити ғәрбниң газини шәрққә йөткәш қурулуши йәрлик иқтисадни гүлләндүрүш ролини ойнайду дәп тәкитлисиму,лекин тарим вә җуңғар ойманлиқида нефит ‏- тәбий газ ечиватқан ширкәтләр уйғурлардин ишчи - хизмәтчи елишни рәт қилмақта. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.