خىتاي 2010 - يىلغىچە غەرب شەرق تەبئىي گاز تۇرۇبىسىنىڭ 2 - لىنىيىسىنى ياتقۇزۇش پىلانى قۇرماقتا


2006-11-10
Share

خىتاي ھۆكۈمىتى ئۇيغۇر ئاپتونوم رايونىنىڭ تەبئىي گاز بايلىقىنى شەرقتىكى ئۆلكىلەرگە توشۇيدىغان تارىم -شاڭخەي تەبئىي گاز تۇرۇبىسىغا يانداش 2 - تەبئىي گاز تۇرۇبىسى ياتقۇزۇش پىلانى قۇرماقتا.

بلۇمبېرگ ئاگېنتلىقىنىڭ خەۋەر قىلىشىچە، خىتاي دۆلەتلىك تەرەققىيات ۋە ئىسلاھات كومىتېتىدىكى ئەمەلدارلار مەزكۇر قۇرۇلۇشنىڭ 2010 - يىلغىچە پۈتۈشى پىلانلىنىۋاتقانلىقىنى ئاشكارىلىغان. خىتاي دۆلەت تەرەققىيات ۋە ئىسلاھات كومىتېتى نېفىت ۋە تەبئىي گاز ئىدارىسىنىڭ مۇئاۋىن مۇدىرى ۋاڭ جىڭ، 2006 - يىللىق خىتاي تەبئىي گاز يىغىنىنىڭ دەپ ئېلىش پەيتىدە مۇخبىرلارغا " ھازىرقى ئەڭ مۇھىم مەسىلە تەبئىي گاز مەنبەلىرىنى تېپىش " دەيدۇ. ئۇ، "بۇ مەسىلە پات يېقىندا ھەل قىلىنسا " تەبئىي گاز تۇرۇبىسىنىڭ ئالدىمىزدىكى 2 يىل ئىچىدە ياسىلىدىغانلىقىنى بىلدۈرگەن.

خىتاي مەتبۇئاتلىرى ئۆتكەن ئايدا ئۇيغۇر ئاپتونوم رايونىنىڭ باي ناھىيىسىدە قارا - 2 تەبئىي گاز بازىسىدىن قالسا، تەبئىي گاز زاپىسى 150 مىليارد كۇپ مېتىر كېلىدىغان 2 - چوڭ تەبئىي گاز قۇدۇقى بايقالغانلىقىنى خەۋەر قىلغان. لېكىن چەتئەلدىكى ئۇيغۇر تەشكىلاتلىرى خىتاي دائىرىلىرىنىڭ ئۇيغۇر ئاپتونوم رايونىنى خىتاينىڭ ئېنېرگىيە بازىسى قىلىپ قۇرۇپ چىقىش پىلانى ئۇيغۇرلارنىڭ تەبئىي بايلىقىنى تالان - تاراج قىلىش، رايوننىڭ مۇھىتىنى بۇلغاش ۋە خىتاي كۆچمەنلىرىنى يۆتكەش رولىنى ئوينىماقتا، دەپ ئەيىبلىمەكتە. (ئەركىن)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت