Béyjing hökümiti ochuq - ashkara halda xitay oqutquchilirini Uyghur élide ishleshke ewetmekte
2006.11.14
Xitay da'irilirining béyjingdin bergen xewiridin melum bolushiche, xitay hökümiti tunji qétim ochuq - ashkara halda 25 neper xitay oqutquchisini Uyghur élige bérip ishleshke ewetken hemde Uyghur élige bérip ishleydighan bu xitay oqutquchilirining her birige bir qétimdila 10000 yüendin qoshumche yardem puli béridighanliqini bildürgen.
Béyjing sheherlik ma'arip komitétining mes'uli "gerche Uyghur élige oqutquchi ewetish xizmiti 2004 - yilidin bashlinip, bu yil 3 - yili bolsimu, bu qétim biz ilgiriki rayon, san cheklimisidin bösüp chiqip, tunji qétim jem'iyettin ochuq - ashkara qobul qilishni bashliduq. Yeni "herqandaq oqutquchi öz meyli boyiche iltimas qilsa bolidu" dégen belgilimini chiqarduq" dep bildürdi.
Xitay da'iriliri teripidin bérilgen melumatta körsitilishiche, Uyghur élige ewetilidighan bu oqutquchilar mezkur rayonda ishlesh jeryanida, meyli ma'ash jehette bolsun yaki bashqa teminat jehette bolsun özi ishligen mekteptiki bashqa oqutquchilargha oxshash qarilidiken. Buningdin bashqa yene ular her yili bir qétim öz yurtigha bérip tutqan yoqlash pursitige ige iken.
Melumatta yene, Uyghur élige ewetilidighan oqutquchilarning yash -cheklimisi erler 55 yashtin töwen, ayallar 50 yashtin töwen bolushi kérek dep békitilgen bolup, ular Uyghur élige barghandin kéyin bashlan'ghuch mektep derslikini öz ichige alghan matématika, fizika, ximiye, bi'ologiye, tarix, jughrapiye, siyaset we toluq otturining til - edebiyati qatarliq derslerni ötidiken.
Uyghur ma'aripchilar, xitay hökümitining Uyghur oqutquchilarning xitay tili sewiyisini bahane qilip nurghunlighan oqutquchilarni ma'arip sépidin yiraqlashturiwatqanliqidek qilmishini eyiblimekte. (Méhriban)
Munasiwetlik maqalilar
- Xitay jinayi qachqunliri Uyghur élini uwa qilmaqta
- Apetke uchrighuchilarni qutquzushmu yaki "shinjang" gha yardem bérishmu?
- Uyghur éligha yene bir türküm xitay oqughuchiliri orunlashturuldi
- Bu yil ichkiridin Uyghur élige imtihan bérishke kelgen 193 neper saxta salahiyettiki oqughuchi bayqaldi
- Medeniyet inqilabida Uyghur élige palan'ghan xitaylar shangxeyde namayish qildi