Xelq'ara kechürüm teshkilati "mushtumzor saqchilar" ning ghulja weqesidiki jawapkarliqini sürüshtürüshke chaqirdi

5 - Féwral ghulja weqesining 8 yilliqi munasiwiti bilen, jüme küni merkizi londondiki xelq'ara kechürüm teshkilati bayanat élan qilip, xitay da'irilirini " mughtumzor saqchilar" ning ghulja weqesidiki jawapkarliqini sürüshtürüshke chaqirdi.

Xelq'ara kechürüm teshkilati, ghulja weqeside yüzligen- minglighan kishilerning hayatidin ayrilghanliqini, yarilan'ghanliqini shundaqla qolgha élin'ghanliqini eskertip, nurghun kishilerning tayaq yégenliki we ten jazasigha uchrighanliqini, az digende ikki kishining ölgenlikini tilgha aldi. Kechürüm teshkilati, "mushu weqe munasiwiti bilen qanchilik kishining qolgha élin'ghanliqi hazirghiche melum emes," dep körsetti. Xitay amanliq küchlirining herikiti üstidin hazirghiche tekshürüsh élip bérilmighanliqini tekitligen kechürüm teshkilati, xitay da'irilirining weqeni adil bir terep qilmighanliqini bildürdi.

"Xitay hökümiti ötken yili kishilik hoquqni hörmet qilish we qoghdashni asasi qanun'gha kirgüzgen bolsimu, biraq xitay terepning semimiyiti jiddi guman tughdurmaqta," dep tekitlidi. Xelq'ara kechürüm teshkilati axirida mundaq deydu: " kechürüm teshkilati weqede ölgenler , yarilan'ghanlar shundaqla türmige tashlan'ghanlarning mesilisini mes'uliyetchanliq, ochuq - ashkare we adilliq bilen bir terep qilishqa chaqiridu."

5 - Féwral ghulja weqesi 1997 -yili yüz bergen. Xitay hökümiti weqeni milliy bölgünchilerning urush, chéqish we bulash weqesi, dep élan qilghan. Chet'eldiki Uyghur teshkilatlar weqeni diniy erkinlikni telep qilish herikiti, dep xatirilimekte. (Erkin)