Или областида қораллиқ сақчи һәм һәрбий қисимлири " олимпик" җәң тәйярлиқиға өтти

Или областиниң хәвәр ториниң сәйшәнбидики хәвиридин ашкарилинишичә, 25 - июл күни или области чапчал наһийисиниң хәлқ мәйданида олимпикни қарши елиш намида һәрбий маневир өткүзүлгән.
Мухбиримиз гүлчеһрә хәвири
2008.07.29

 Бу маневирға или областидики қораллиқ сақчи қисимлири һәм чегра қоғдаш қисминиң офитсер, әскәрлири қатнашқан болуп, улар маневир давамида апшаркилар биләнму маһарәт көрсәткән.

Маневирға қатнашқан или областиниң мунасивәтлик рәһбәрлири, бейҗиң олимпики җәрянида елиниң муқимлиқини қоғдашта сақчи һәм һәрбий қисимларниң вәзиписиниң еғирлиқини тәкитлигән. Шу күни йәнә ғулҗа шәһәрлик җамаәт хәвәпсизлик даирилири олимпик бихәтәрлики тәйярлиқ йиғини ачқан болуп, йиғинда шәһәрлик парткомниң секритари җав бавхуа " қораллиқ бихәтәрлик қисимлири өз ичимиздә һошярлиқни өстүрүп, бихәтәрлик һәм мәхпийәтликни сақлаш хизмитини яхши ишләп, олимпиктин ибарәт бу җәңдә чоқум йеңип чиқишимиз керәк," дәп йолйоруқ бәргән.

Хәвәрләрдин мәлум болушичә, йеқинқи айлардин буян или области сақчи даирилири, олимпик бихәтәрликини күчәйтиш, туюқсиз йүз бериш еһтималлиқи болған һәрикәтләрниң алдини елиш баһанисида или тәвәсидә уйғурларни тутқун қилиш, бастуруш һәрикәтлирини елип бериватқан болуп, инкасларға қариғанда, тутқун қилиш обйекти асасән 1997 - йилидики или вәқәси җәрянида қолға елинип қоюп берилгән һәм илгири җинайәт өткүзүш тарихи болған,сиясий җәһәттин сақчи даирилириниң гуманини қозғиған уйғур яшлири болмақта икән.
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.