Ili oblastida qoralliq saqchi hem herbiy qisimliri " olimpik" jeng teyyarliqigha ötti

Ili oblastining xewer torining seyshenbidiki xewiridin ashkarilinishiche, 25 - iyul küni ili oblasti chapchal nahiyisining xelq meydanida olimpikni qarshi élish namida herbiy manéwir ötküzülgen.
Muxbirimiz gülchéhre xewiri
2008.07.29

 Bu manéwirgha ili oblastidiki qoralliq saqchi qisimliri hem chégra qoghdash qismining ofitsér, eskerliri qatnashqan bolup, ular manéwir dawamida apsharkilar bilenmu maharet körsetken.

Manéwirgha qatnashqan ili oblastining munasiwetlik rehberliri, béyjing olimpiki jeryanida élining muqimliqini qoghdashta saqchi hem herbiy qisimlarning wezipisining éghirliqini tekitligen. Shu küni yene ghulja sheherlik jama'et xewepsizlik da'iriliri olimpik bixeterliki teyyarliq yighini achqan bolup, yighinda sheherlik partkomning sékritari jaw bawxu'a " qoralliq bixeterlik qisimliri öz ichimizde hoshyarliqni östürüp, bixeterlik hem mexpiyetlikni saqlash xizmitini yaxshi ishlep, olimpiktin ibaret bu jengde choqum yéngip chiqishimiz kérek," dep yolyoruq bergen.

Xewerlerdin melum bolushiche, yéqinqi aylardin buyan ili oblasti saqchi da'iriliri, olimpik bixeterlikini kücheytish, tuyuqsiz yüz bérish éhtimalliqi bolghan heriketlerning aldini élish bahanisida ili teweside Uyghurlarni tutqun qilish, basturush heriketlirini élip bériwatqan bolup, inkaslargha qarighanda, tutqun qilish obyékti asasen 1997 - yilidiki ili weqesi jeryanida qolgha élinip qoyup bérilgen hem ilgiri jinayet ötküzüsh tarixi bolghan,siyasiy jehettin saqchi da'irilirining gumanini qozghighan Uyghur yashliri bolmaqta iken.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.