Ghuljida yoluchilar aptobusini görüge alghan bir kishi saqchilar teripidin étip öltürüldi
2005.05.12
Uyghur aptonum rayonluq saqchi da'iriliri charshenbe küni ghulja shehirining etrapida ürümchige qarap kétiwatqan uzun yolluq yoluchilar aptobusini görüge alghan bir kishini étip öltürgenlikini bildürdi.
Shinxu'a axbarat agéntliqining xewirige qarighanda, jang bawgo isimlik bu kishi charshenbe küni chüshtin kiyin, ghulja etrapidiki bir may qachilash ponkitida may qachilawatqan bir uzun yolluq aptobusqa chiqqan hemde yénidiki partlatquch dora bilen aptobusni partlitidighanliqi heqqide tehdid sélip, aptobusni görüge élishqa urun'ghan.
Xewerde éytilishiche, buningdin xewer tapqan saqchilar derhal neq meydan'gha yitip kélip, uni niyitidin yénishqa dewet qilghan. Biraq u yénidiki partlatquchni yandurghan bolup, buni körgen saqchilar uni étip öltürgen.
Shinxu'a agéntliqi xewiride, aptobusqa ot ketkenlikini bildürgen. Emma mezkur yoluchilar aptobusida qanche adem barliqi we ularning ehwali heqqide melumat bermigen.
Jawning aptobusni görüge élishta néme meqsiti barliqi téxi éniq bolmisimu, biraq shinxu'a agéntliqi deslepki éniqlashlargha qarighanda, weqening a'ile ixtilapi sewebidin kélip chiqqanliqini bildürmekte.
Buning aldida, yeni bu yil 1 - ayda maytaghda aptobus partlitish weqesi yüz bérip, 11 ademning ölüshi, yette ademning yarilinishini keltürüp chiqarghan. Xitay saqchiliri deslepte weqeni éniqlimay turupla, uni Uyghur "bölgünchiliri" ning pa'aliyetlirige baghlighan idi. Biraq kéyin ,weqening öz turmush shara'itidin narazi bolghan bir xitay ishchisi teripidin sadir qilin'ghanliqi ashkarilan'ghan. (Arzu)
Munasiwetlik maqalilar
- Maytaghdiki partlash weqesini bir xitay ishchisining sadir qilghanliqi ashkarilandi
- Xitay hökümiti ürümchidiki partlash weqesining sewebini élan qildi
- Uyghur élide yüz bergen partlashlarda 14 kishi öldi
- Ghuljida, chaghan harpisida 700 din artuq yashlar tutqun qilin'ghan
- Ili wilayitining charwa- mallirida jiddiy xaraktérlik gheyri tiptiki késel taralmaqta