Uyghur élide gösh bahasi örlep xelqning turmushi qéyinchiliqqa duch kelmekte


2007.10.04

Bu yil kirgendin buyan, Uyghur élide qoy göshi bahasi alahide örlep, xelqning turmushigha qéyinchiliqlar tughdurmaqta.

Xitay xewer agéntliqliri, ürümchi shehiride her kilogram göshning bahasi 22 yüendin artuq örlep, bulturqidin %20 ke yéqin öskenlikini, bu seweblik sheherlik xelq hökümitining xitay ölkilirige yötkewatqan kala , qoy göshi miqdarini kontrol qilish, Uyghur élining jenubi we shimalidin kala hemde qoy göshi yötkep ürümchi bazirini teminlesh telipini otturigha qoyghanliqini élan qildi.

Xewerde yene, dölet we aptonom rayon kala we qoy göshi zapisi arqiliq sheher bazarlirini teminlesh, gösh bazirini tekshürüshni kücheytish , bazarning normal tertipini qalaymiqanlashturushtek qilmishlarni tüzesh alahide tekitlen'gendin sirt , Uyghur élining gösh bazirini tertipke sélishning nöwette muhim bir xizmetke aylan'ghanliqi otturigha qoyulghan.

Gösh bahasining örlep kitishidiki asasiy seweblerni tehlil qilghan mutexessisler , bu xil hadisining Uyghur élidiki monopol shirketlirining pilansiz mal yötkishi hemde paydini qoghliship mulazimetni qalaymiqanlashturushi netijiside meydan'gha kelgenlikini körsetmekte . Qoy we kala göshi Uyghurlar eng köp istimal qilidighan kündilik muhim yimeklik hésablinidu. Uyghur ta'amlirida köp ishlitilidighan gösh bahasining örlep kétishi, kirimi xitay ölkiliridin alahide töwen bolghan Uyghur istimalchilarning gösh yiyelmeslik qéyinchiliqini meydan'gha keltürüpla qalmay, réstoran mulazimiti bilen tirikchilik qiliwatqan nurghun Uyghurlargha iqtisadi zerbe élip kelmekte. (Eqide)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.