Nyubrij kapital guruhi gu'angxüyning 200 milyon dollar pay chékini sétiwalmaqchi

Merkizi amérikining téksas shtatidiki meblegh sélish guruhi bolghan nyubrij kapital cheklik hessidarliq shirkiti shinjang gu'angxüy guruhi bilen kélishim imzalap, gu'angxüy guruhining suyuqlandurulghan teb'iy gaz qurulushigha 200 milyon dollar meblegh sélish we 67 % pay chékini sétiwélishni qarar qildi.

Wall Street Journal Gézitining xewer qilishiche, kélishim boyiche nyubrij kapital guruhi deslepki qedemde 33 milyon 800 milyon dollar meblegh sélip, gu'angxüy suyuqlandurulghan teb'iy gaz qurulushining 99.24 % Pay chékini sétiwalidu we kéyinki qedemde 169 milyon dollar meblegh sélip, mezkur qurulushtiki pay chéki hessisini 67 % ge chiqiridiken.

Gu'angxüy guruhi Uyghur aptonom rayonida tuyuqsiz bash kötergen we téz bay bolghan xususi shirket. Gu'angxüy guruhining xojayini sün gu'angshingning Uyghur aptonom rayoni partkomining sékritari wang léchüen bilen alahide yéqin munasiwiti bar . Xususi shirketlerning hul sélish murasimlirigha ishtirak qilish xitayda kompartiye rehberliri köp adetlenmigen ehwal bolsimu, lékin ilgiri gu'angxüy guruhi pichanda suyuqlandurulghan teb'iy gaz ishlepchiqirish qurulushining hul sélish murasimi ötküzgende wang léchüen turpan'gha bérip hul sélish murasimigha ishtirak qilghan.

Gu'angxüy suyuqlandurulghan teb'iy gaz qurulushigha meblegh sélish pilani hazirghiche bir amérika xususiy meblegh shi'irkitining xitayda teb'iy gaz sodisi bilen shughullinidighan bir xususiy shirketke eng köp meblegh sélishi bolup hésablinidu. (Erkin)