Xitay hökümiti gu'antanomodiki Uyghurlar mesilisi heqqide amérika bilen téléfon söhbiti élip bérishqa bashlidi


2004-11-08
Share

Gu'antanamoda tutup turiliwatqan Uyghurlar mesilisining amérika hökümiti teripidin qurulghan herbiy sotta körülüshke bashlinishi bilen birlikte, xitay rehberliri amérika rehberliri bilen téléfon arqiliq söhbetler élip bérishqa bashlidi .

Shinxwa agéntliqining xewer qilishiche, xitay tashqi ishlar ministiri li jawshing düshenbe küni amérika milliy bixeterlik kéngishining re'isi kondoliza raysning yardemchisi bilen téléfon arqiliq söhbetleshken .

Xewerde éytilishiche, xitay tashqi ishlar ministiri li jawshing we amérika milliy bixeterlik kéngishining mu'awin re'isi xitay-amérika munasiwetlirini téximu kücheytip, ikki dölet otturisida mewjut hemkarlqini téximu köpeytish toghrisida pikir almashturghan .

Söhbet jeryanida li jawshing iran yadro mesilisining xelq'ara atom énérgiye idarisi qanunliri da'irisi ichide birterep qilish toghrisida xitayning köz qarshi heqqide amérika terepke melumat bergen .

Gerche shinxwa agéntliqining xewiride , gu'antanamoda tutup turiliwatqan Uyghurlar mesilisi tilgha élinmighan bolsimu, lékin analizchilar li jawshing ning ötken hepte gu'antanamoda tutup turiliwatqan mehbuslarning herbiy sotta sotqa tartilishqa bashlinishning arqisida amérika milliy bixeterlik kéngishining mu'awin re'isige téléfon qilghanliqini eskertip , gu'antanamodiki Uyghurlar mesilisi mezkur téléfon söhbitining muhim témisi bolghan bolushi mumkin déyishmekte .(Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet