Xitay hökümiti amérikidin güentanamodiki Uyghurlarni tapshurup bérishni qayta telep qildi


2004-09-09
Share

Xitay hökümiti peyshenbe küni bayanat élan qilip, amérika hökümitidin , kubadiki amérika herbiy bazisida tutup turiliwatqan Uyghurlarni tapshurup bérishni qayta telep qildi. Hemde amérikini Uyghurlargha qosh ölchem qollanmasliqqa chaqirdi.

Xitay tashqi ishlar ministirlikining bayanatchisi kungchüen bayanatida, "biz amérika bilen dawamliq söhbet ötküziwatimiz. Amérikining térrorizmgha qarshi turush mesiliside qosh ölchem qollanmasliqini soraymiz. Ular térroristlar, biz amérika hökümitining bu Uyghurlarni xitaygha qayturup bérishini ümid qilimiz" dédi.

Kubaning güentanamo arilidiki amérika herbiy bazisida afghanistan'gha tutulghan 22 neper Uyghurning barliqi melum bolghan idi. Xitay hökümiti bu Uyghurlarni térrorist dep élan qilghan bolsimu, emma amérika hökümet da'iriliri ilgiri ularni"xata jayda we xata waqitta tutulghanlar" dep körsetken.

Amérika tashqi ishlar ministiri kolin pa'ol ötken ayda erkin asiya radi'osi muxbirimizning mexsus ziyaritini qobul qilip, güentanamoda tutup turiliwatqan Uyghur mehbuslirini xitaygha tapshurup bermeydighanliqini, ularni üchünchi bir döletke orunlashturush üchün tirishchanliq körsitiwatqanliqini bildürgen idi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet