Amérika hökümiti gü'entanamodiki Uyghur mehbuslirini orunlashturush üchün heriket qilmaqta


2004-10-28
Share

Amérika tashqi ishlar ministirliqi amérikining kubadiki herbiy lagirida tutup turiliwatqan Uyghur mehbuslirini üchünchi bir döletke orunlashturush üchün jiddiy heriket qilmaqta.

En'giliye pul- mu'amile waqti gézitining peyshenbe küni bergen xewirige qarighanda, amérika tashqi ishlar ministirliqi birinchi türkümde girmaniye, shiwitsariye, finlandiye we norwigiye bilen gu'entanamodiki Uyghurlarni orunlashturush mesilisini muzakire qilghan. Biraq, ular bu döletlerdin ijabiy jawabqa érishelmigen.

Xewerde éytilishiche, amérika nöwette italiye, fransiye, awistrye we türkiye bilen afghanistanda tutulghan bu Uyghurlarni qubul qilish mesilisini muzakire qilmaqta.

Amérikining kubadiki gö'entanamo herbiy bazisida tutup turiliwatqan 22 neper Uyghurning barliqi bildürülmekte. Amérika tashqi ishlar ministiri kolin pawél ilgiri gü'entanamodiki Uyghurlarni xitaygha qayturup bermeydighanliqini bildürgen idi.

Amérika tashqi ishlar ministirliqining bayanatchisi peyshenbe küni radi'oyimiz muxbirining so'aligha jawab bérip, amérikining gü'entanamodiki Uyghurlargha qaratqan siyasitining özgermigenlikini, ularni xitaygha qayturup bermeydighanliqini qayta tekitlidi. (Arzu)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet