گۇئانتانامودىكى ئۇيغۇرلار سوتقا تارتىلدى
2004.11.08
ئامېرىكا ھۆكۈمىتى تەرىپىدىن قۇرۇلغان ئۈچ كىشىلىك ھەربىي سوت گۇئانتانامودا تۇتۇپ تۇرىلىۋاتقان 550 نەپەر ئەتراپىدىكى مەھبۇسنىڭ دىلوسىنى كۆرۈشكە باشلىدى . ئامېرىكا بىرلەشمە ئاگېنتلىقىنىڭ خەۋەر قىلىشىچە، ئۆتكەن ھەپتە سوتقا تارتىلغان مەھبۇسلار ئارىسىدا ئىككى ئۇيغۇرمۇ بار ئىكەن .
خەۋەردە ئېيتىلىشىچە، ئۆتكەن ھەپتە سوتقا تارتىلغان ئىككى ئۇيغۇرنىڭ بىرى سوتچىلارنىڭ سوئاللىرىغا جاۋاب بىرىپ مۇنداق دىگەن: "بىز ئۇيغۇرلار خىتايدىن مۇستەقىللىقىمىزنى قولغا كەلتۈرۈش ئۈچۈن كۈرەش قىلىۋاتىمىز. خىتايغا قارشى كۈرەش قىلىش، ئەلقائىدە تەشكىلاتى ئەزاسى دېگەنلىك ئەمەس.
ئامېرىكا بىرلەشمە ئاگېنتلىقىنىڭ بىلدۈرۈشىچە، 33 ياشتىكى بىر پۇتى كېسىلگەن بۇ ئۇيغۇر ياش سوتتىكى سۆزىدە يەنە ، خىتاي ھۆكۈمىتىنىڭ سىياسىي ۋە دىنىي بېسىمىدىن قىچىپ ئافغانىستاندا پاناھلانغانلقىنى تەكىتلەپ مۇنداق دىگەن" " مىنىڭ دۇنيادا خىتايدىن باشقا ھېچقانداق دۈشمىنىم يوق. مەن ئامېرىكىغا قارشى ئەمەس ئەكسىنچە ئامېرىكىنىڭ كەلگۈسىدە ئۇيغۇرلارنىڭ مۇستەقىللىق ھەرىكىتىگە ياردەم قىلىشىنى ئۈمىد قىلىمەن ".
خەۋەردە ئېيتىلىشىچە، سوتلانغان ئۇيغۇرلار سوتنىڭ ئۇلارنى ئەلقائىدە تەشكىلاتى ئەزاسى دەپ ئەيىبلىشىگە قارشى چىقىپ، ئۇلارنىڭ ئەلقائىدە تەشكىلاتى ئەزاسى ئىكەنلىكى ھەققىدە ھېچقانداق پاكىت يوق ئىكەنلىكىنى بىلدۈرگەن . ئۇ شۇنداقلا سوتچىلاردىن ئەگەر قوللىرىدا ئۇنىڭ ئەلقائىدە ئەزاسى ئىكەنلىكى توغرىسىدا بىرەر پاكىت بولسا ئوتتۇرىغا قويۇشىنى تەلەپ قىلغان .
خەۋەرلەرگە قارىغاندا، ھەربىي سوت ئۆتكەن ھەپتە سوتلانغان ئىككى ئۇيغۇرنىڭ ئامېرىكا ئۈچۈن دۈشمەن جەڭچىلەر بولۇپ ، بولمىغانلىقى ھەققىدە بىر ئاي ئىچىدە ھۆكۈم چىقىرىدىكەن . (قانات)
مۇناسىۋەتلىك ماقالىلار
- بېيجىڭ ئامېرىكىدىن گۈئانتانامودىكى ئۇيغۇر ئەسىرلەرنى ئۆتكۈزۈپ بېرىشنى تەلەپ قىلدى
- خىتاي كولىن پوۋېلنىڭ بېيجىڭدىكى زىيارىتىدە گۇئانتانامودىكى ئۇيغۇرلار مەسىلىسىنى ئوتتۇرىغا قويدى
- ئامېرىكا ھۆكۈمىتى گۈئەنتانامودىكى ئۇيغۇر مەھبۇسلىرىنى ئورۇنلاشتۇرۇش ئۈچۈن ھەرىكەت قىلماقتا
- خىتاي ھۆكۈمىتى ئامېرىكىدىن گۈەنتانامودىكى ئۇيغۇرلارنى تاپشۇرۇپ بېرىشنى قايتا تەلەپ قىلدى
- خىتاي مۇتەخەسسىسلەر، گۇۋانتانامودىكى ئۇيغۇرلار ئادىل سوتلىناتتى دىدى
- كولىن پاۋىل ئامېرىكىنىڭ گۇەنتانامودىكى ئۇيغۇرلارنى خىتايغا قايتۇرمايدىغانلىقىنى بىلدۈردى