Gu'antanamodiki Uyghurlar sotqa tartildi


2004-11-08
Share

Amérika hökümiti teripidin qurulghan üch kishilik herbiy sot gu'antanamoda tutup turiliwatqan 550 neper etrapidiki mehbusning dilosini körüshke bashlidi . Amérika birleshme agéntliqining xewer qilishiche, ötken hepte sotqa tartilghan mehbuslar arisida ikki Uyghurmu bar iken .

Xewerde éytilishiche, ötken hepte sotqa tartilghan ikki Uyghurning biri sotchilarning so'allirigha jawab birip mundaq digen: "biz Uyghurlar xitaydin musteqilliqimizni qolgha keltürüsh üchün küresh qiliwatimiz. Xitaygha qarshi küresh qilish, elqa'ide teshkilati ezasi dégenlik emes.

Amérika birleshme agéntliqining bildürüshiche, 33 yashtiki bir puti késilgen bu Uyghur yash sottiki sözide yene , xitay hökümitining siyasiy we diniy bésimidin qichip afghanistanda panahlan'ghanlqini tekitlep mundaq digen" " mining dunyada xitaydin bashqa héchqandaq düshminim yoq. Men amérikigha qarshi emes eksinche amérikining kelgüside Uyghurlarning musteqilliq herikitige yardem qilishini ümid qilimen ".

Xewerde éytilishiche, sotlan'ghan Uyghurlar sotning ularni elqa'ide teshkilati ezasi dep eyiblishige qarshi chiqip, ularning elqa'ide teshkilati ezasi ikenliki heqqide héchqandaq pakit yoq ikenlikini bildürgen . U shundaqla sotchilardin eger qollirida uning elqa'ide ezasi ikenliki toghrisida birer pakit bolsa otturigha qoyushini telep qilghan .

Xewerlerge qarighanda, herbiy sot ötken hepte sotlan'ghan ikki Uyghurning amérika üchün düshmen jengchiler bolup , bolmighanliqi heqqide bir ay ichide höküm chiqiridiken . (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet