Гуантанамодики бир уйғур америка һәрбий сот колигийисигә ипадә бәрди


2004-11-19
Share

Гуантанамодики әсирләрни сот қилиш мәқсиди билән қурулған америка алаһидә һәрбий сот колигийиси, пәйшәнбә күни гуантанамода шәрқий түркистан ислам һәрикитигә әза бир тутқунниң ипадисини алди.

Америка алаһидә һәрбий сот колигийисиниң баянатчиси летнант гарей россниң билдүрүшичә, бу йил 31 яшлардики мәзкур тутқун сот колигийиси тәрипидин 2001 - йили афғанистанда қорал - ярақ вә һәрбий тәлим тәрбийә елиш җинайити билән әйипләнгән. Бирақ, тутқунниң миллий тәвәлики, шундақла униң гуантанамодики 22 нәпәр уйғурниң бири икәнлиги яки әмәслиги елан қилинмиди.

Америка ташқи ишлар министирлиқи өткән айда гуантанамодики уйғурларниң қоюп берилидиғанлиқини елан қилип, уларниң 3 - бир дөләткә орунлаштурулидиғанлиқини җакарлиған .

Бейҗиң һөкүмити гуантанамодики тутқунлар хитайға қайтуруп берилсә, террорчилиқ җинайити билән әйиплинидиғанлиқини елан қилди . Хәлқара кәчүрүм тәшкилати, тутқунлар хитайға қайтуруп берилгән тәқдирдә өлүм җазасиға һөкүм қилиниш иһтималлиқи барлиқини илгири сүргән. Шу күни афғанистанниң тора бора теғидики уйғур лагирида тәлим тәрбийә көргән 29 яшлардики йәнә бир әсирниң ипадиси елинған.

Бирақ бу кишиниңму исми вә миллий тәвәлики елан қилинмиди. Һәрбий тәрәпниң ашкарлишичә, сот колигийисигә чиқирилған 29 яшлардики әсир, иттипақдаш күчләр тора бора теғини бомбардиман қилғанда яриланған. (Әркин)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт