Gu'antanamodiki bir Uyghur amérika herbiy sot koligiyisige ipade berdi

Gu'antanamodiki esirlerni sot qilish meqsidi bilen qurulghan amérika alahide herbiy sot koligiyisi, peyshenbe küni gu'antanamoda sherqiy türkistan islam herikitige eza bir tutqunning ipadisini aldi.

Amérika alahide herbiy sot koligiyisining bayanatchisi létnant garéy rossning bildürüshiche, bu yil 31 yashlardiki mezkur tutqun sot koligiyisi teripidin 2001 - yili afghanistanda qoral - yaraq we herbiy telim terbiye élish jinayiti bilen eyiplen'gen. Biraq, tutqunning milliy teweliki, shundaqla uning gu'antanamodiki 22 neper Uyghurning biri ikenligi yaki emesligi élan qilinmidi.

Amérika tashqi ishlar ministirliqi ötken ayda gu'antanamodiki Uyghurlarning qoyup bérilidighanliqini élan qilip, ularning 3 - bir döletke orunlashturulidighanliqini jakarlighan .

Béyjing hökümiti gu'antanamodiki tutqunlar xitaygha qayturup bérilse, térrorchiliq jinayiti bilen eyiplinidighanliqini élan qildi . Xelq'ara kechürüm teshkilati, tutqunlar xitaygha qayturup bérilgen teqdirde ölüm jazasigha höküm qilinish ihtimalliqi barliqini ilgiri sürgen. Shu küni afghanistanning tora bora téghidiki Uyghur lagirida telim terbiye körgen 29 yashlardiki yene bir esirning ipadisi élin'ghan.

Biraq bu kishiningmu ismi we milliy teweliki élan qilinmidi. Herbiy terepning ashkarlishiche, sot koligiyisige chiqirilghan 29 yashlardiki esir, ittipaqdash küchler tora bora téghini bombardiman qilghanda yarilan'ghan. (Erkin)