Gu'antanamodiki bir neper Uyghur amérika sotigha chiqti


2005-01-05
Share

Gu'antanamoda tutup turiliwatqan 22 neper Uyghurning arisidiki biri seyshenbe küni amérikida sotqa chiqti.

Amérika birleshme axbarat agéntliqining xewirige qarighanda, 24 yashliq ismi ashkarilanmighan bu Uyghur 2001 - yili amérika armiyisi afghanistan'gha kirgende qolgha élin'ghan bolup, shundin buyan u amérikining gu'antanamodiki türmiside tutup turiliwatqan iken.

U sotta, özining qazaqistandin kelgenlikini hemde pakistanda diniy ders oquwatqan mezgilide afghanistan'gha tetilge bérip bir hepte bolmayla amérika armiyisi teripidin qolgha élin'ghanliqini chüshendürüp, özining talibanlar bilen héchqandaq alaqisi yoqliqini bildürdi.

Xewerde körsitilishiche, amérika hökümiti, uni qolgha alghanda uning talibanlarning 2 neper ashpizi bilen bir öyde turghanliqini bildürgen bolsimu, emma bu Uyghur yash sotta bu qarashni ret qildi. Shundaqla sotchi uningdin nime su'ali barliqini sorighinida, u " méning peqet birla so'alim bar, méni qachan qoyup bérisiler? " dep sorighan.

Amérika hökümiti gu'antanamoda tutup turiliwatqan Uyghurlar üstidin bir-birlep sot échiwatqan bolup, deslepki qedemde bu Uyghurlarning "xata waqitta, xata jayda turup qalghanlar" ikenlikini, ularning amérika hökümitige héchqandaq tehdit élip kelmeydighanliqini mu'eyyenleshtürdi hemde nöwette ularni xitay emes, belki üchinchi bir döletke qayturushqa tirishmaqta. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet