Гуантанамодики уйғур тутқунларниң адвокат тутушиға рухсәт қилинди


2005.06.24

Америка һөкүмити кубадики гуантанамо һәрбий базисида тутуп туриливатқан уйғур тутқунларниң адвокат тәклип қилишиға рухсәт қилған.

Вашингтондики вәқәдин хәвәрдар әрбапларниң ашкарилишичә, мәркизи бостондики бир қанун мулазимәт ширкити уйғур тутқунларни ақлашни үстигә алған болуп, мәзкур ширкәттики адвокатлар пат йеқинда гуантанамоға қарап йолға чиқидикән.

Хәвәрләргә қариғанда, улар америка һөкүмити тәминлигән тәрҗиманларни ишлитишни халимиған. Мәзкур ширкәт гуантанамодики 12 нәпәр уйғур тутқунниң ақлиғучилиқини үстигә алған болуп, қалғанлар адвокат билән тәминлинишни күтмәктикән.

Америка дөләт мудапиә министирлиқи, гуантанамодики уйғур тутқунларни америка дөләт бихәтәрликигә тәһдит әмәс, дәп җакарлиғандин кейин, уйғур тутқунларға панаһлиқ беришни халайдиған 3 - бир дөләтниң чиқишини күтмәктә иди. Әмма һазирға қәдәр тутқунларни қобул қилишни халайдиған бир дөләт чиқмиған.

Америка әмәлдарлириниң ашкарилишичә, һазир гуантанамода җәми 540 киши тутуп турулмақтикән. Буш һөкүмити, буларниң зор көпчилики америка дөләт бихәтәрликигә тәһдит хәтәрлик унсурлар, дәп көрсәтмәктә. Америка һөкүмити һазирға қәдәр хәлқара қизил крест җәмийитиниң гуантанамодики тутқунларни зиярәт қилишиға рухсәт қилған. Әмма б д т дики хадимларниң ашкарилишичә, буш һөкүмити мәзкур органниң гуантанамода тәкшүрүш елип бериш тәлипигә һазирға қәдәр инкас қайтурмиған. (Әркин)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.