Gu'antanamodiki Uyghur tutqunlarning adwokat tutushigha ruxset qilindi


2005-06-24
Share

Amérika hökümiti kubadiki gu'antanamo herbiy bazisida tutup turiliwatqan Uyghur tutqunlarning adwokat teklip qilishigha ruxset qilghan.

Washin'gtondiki weqedin xewerdar erbaplarning ashkarilishiche, merkizi bostondiki bir qanun mulazimet shirkiti Uyghur tutqunlarni aqlashni üstige alghan bolup, mezkur shirkettiki adwokatlar pat yéqinda gu'antanamogha qarap yolgha chiqidiken.

Xewerlerge qarighanda, ular amérika hökümiti teminligen terjimanlarni ishlitishni xalimighan. Mezkur shirket gu'antanamodiki 12 neper Uyghur tutqunning aqlighuchiliqini üstige alghan bolup, qalghanlar adwokat bilen teminlinishni kütmektiken.

Amérika dölet mudapi'e ministirliqi, gu'antanamodiki Uyghur tutqunlarni amérika dölet bixeterlikige tehdit emes, dep jakarlighandin kéyin, Uyghur tutqunlargha panahliq bérishni xalaydighan 3 - bir döletning chiqishini kütmekte idi. Emma hazirgha qeder tutqunlarni qobul qilishni xalaydighan bir dölet chiqmighan.

Amérika emeldarlirining ashkarilishiche, hazir gu'antanamoda jem'i 540 kishi tutup turulmaqtiken. Bush hökümiti, bularning zor köpchiliki amérika dölet bixeterlikige tehdit xeterlik unsurlar, dep körsetmekte. Amérika hökümiti hazirgha qeder xelq'ara qizil krést jem'iyitining gu'antanamodiki tutqunlarni ziyaret qilishigha ruxset qilghan. Emma b d t diki xadimlarning ashkarilishiche, bush hökümiti mezkur organning gu'antanamoda tekshürüsh élip bérish telipige hazirgha qeder inkas qayturmighan. (Erkin)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet