Amérikiliq adwokat: gu'antanamodiki Uyghurlarni méhmanxanigha yötkesh kérek


2005-07-26
Share

Gu'antanamoda tutup turiliwatqan Uyghurlarning adwokatliqini öz üstige alghan sabin wilit, amérika hökümitidin gu'anatanamo herbiy bazisida tutup turiliwatqan Uyghurlarni türmidin chiqirip, méhmanxanigha orunlashturushini telep qildi.

26 - Küni "boston glob" gézitide élan qilin'ghan bir maqalida bildürülüshiche, gu'antanamoda tutup turiliwatqan Uyghurlarning adwokatliqini öz xirajiti bilen üstige alghan sabin wilit, ötken jüme küni sotqa erz sunup, sottin amérika herbiy xadimlirigha gu'antanamodiki Uyghurlarni gu'antanamo herbiy bazisining a'ililikler yashaydighan bölümige yötkep, ularning bu yerde erkin - azade heriket qilishigha ruxset bérishi toghrisida höküm chüshürüshini telep qilghan.

Wilit sotqa sun'ghan erzide, hazirghiche gu'antanamoda tutup turiliwatqan Uyghurlarni qobul qilidighan birer dölet chiqmighanliqi, ularning türmide tutup turulushigha sewep bolalmaydu, dégen.

Amérika mudapi'e minstirliqining, amérika herbiy soti teripidin düshmen jengchisi emes dep höküm chiqirilghan 15 Uyghur we bir özbékke gu'antanamodiki türmidin chiqip, herbiy bazining a'ilikler yashaydighan rayonida yashash erkinliki bérip - bermeydighanliqi téxi melum emes.

Emma, gu'antanamo türmisining bayanatchisi polkownik jif wayir bilen ötküzülgen téléfon söhbitide jif wayir amanliq we bixeterlik sewebidin türmide tutup turiliwatqanlarni bixeterlik rayonining sirtigha yötkesh mumkin emes, dégen.

Gu'antanamo herbiy bazisining a'ilikler yashaydighan bölümide, mezkur herbiy bazida wezipe ötewatqan 8000 esker we ofétsirning a'ile tawabatliri yashaydighan bolup, bu jay kichik bir sheherge oxshaydu. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet