ئامېرىكا سوتى گۇانتانامودىكى ئىككى ئۇيغۇر ئۈستىدىن سوت ئاچتى


2005-08-02
Share

ئامېرىكا فېدېرال سوت مەھكىمىسى دۈشەنبە كۈنى ۋاشىنگتوندا ئامېرىكىنىڭ گۇانتانامودىكى تۈرمىسىدە تۇتۇپ تۇرىلىۋاتقان ئىككى نەپەر ئۇيغۇر توغرىسىدا سوت ئاچتى.

گەرچە سوتقا ئابابەكرى قاسىم ۋە ئادىل ئابلىكىم ئىسىملىك بۇ ئىككى نەپەر ئۇيغۇر قاتناشمىغان بولسىمۇ، ئەمما باش سوتچى ئادۋۇكاتنىڭ تۇتقۇنلارنى قويۇپ بېرىش توغرىسىدىكى ئەرزنامىسىنى تىڭشىدى.

بۇ ئۇيغۇرلارنىڭ ئادۋۇكاتى سەيبىن ۋىللېت ئۇلارنىڭ ئامېرىكا ئالاھىدە ھەربىي سوتى تەرىپىدىن "دۈشمەن جەڭچىلىرى ئەمەس" دەپ ئاقلانغانلىقىنى ۋە شۇ سەۋەبتىن ئۇلارنىڭ قويۇپ بېرىلىشىنى تەلەپ قىلىدىغانلىقىنى بىلدۈردى.

ئادۋۇكات يەنە، سوتتا بۇ ئىككى ئۇيغۇرنى ئائىلە تاۋاباتلىرى بىلەن تېلېفوندا كۆرۈشۈشكە يول قويۇش شۇنداقلا ئامېرىكا ئۇيغۇر ئۇيۇشمىسىنىڭ رەئىسى نۇرى تۈركەلنى ئۇلارنىڭ تەرجىمانلىقىغا كۆرسىتىش قاتارلىق بىر قاتار تەلەپلەرنى ئوتتۇرىغا قويدى. (پەرىدە)

پىكىرلەر (0)

بارلىق پىكىر - بايانلارنى كۆرۈش.

پىكىر قوشۇڭ

رادىئونىڭ ئىشلىتىش شەرتلىرىگە ئاساسەن، پىكىرلىرىڭىز تەكشۈرگۈچىلەر تەرىپىدىن تەستىقلىنىشى ۋە مۇۋاپىق دەرىجىدە تەھرىرلىنىشى تۈپەيلى، تور بەتتە دەرھال پەيدا بولمايدۇ. سىز قالدۇرغان مەزمۇنغا ئەركىن ئاسىيا رادىئوسى جاۋابكار بولمايدۇ. باشقىلارنىڭ كۆز قارىشى ۋە ھەقىقەتكە ھۆرمەت قىلىشىڭىزنى سورايمىز.

تولۇق بەت