Gu'antanomodiki Uyghurlargha siyasiy panahliq bérish kérek


2005-08-07
Share

Amérikida chiqidighan "heptilik ölchem" zhornilida alin bork teripidin élan qilin'ghan bir maqalide, amérikining gu'antanamoda tutup turuluwatqan Uyghurlargha siyasiy panahliq bérishi telep qilindi.

Maqaliside, ötken hepte washin'gtondiki bir sot mehkimiside gu'antanamoda tutup turuluwatqan ababekri qasim we adil ablikim isimlik ikki Uyghurning sotlan'ghanlighanliqini bildürgen alin bork, "sot jeryanida, hökümetning ularni tutup turushi üchün héchqandaq qanuniy asas yoq ikenliki éniqlandi. Chünki, amérika mudapi'e ministirliqi ularni alliqachan "düshmen jengchisi emes" dep élan qilghan" dégen .

Alin bork "heptilik ölchem" zhornilida élan qilghan maqaliside mundaq deydu: "sot jeryanida amérika hökümitige wekillik qilghan adalet ministirliqining adwokati, bu ikki Uyghurning erkinlikke érishish yolidiki birdin - bir tosalghu hazirghiche ularni qobul qilidighan birer dölet tipilmighanliqi dédi . Hazirqi mesile mushu , ular wetinige kételmeydu. Chünki ular Uyghur, xitay hökümitining bésimi astida yashawatqan bir az sanliq millet".

Alin bork maqalisde yene mundaq deydu: "ularni qobul qilalaydighan birla dölet bar, u bolsimu amérika. Elwette amérika ularni qobul qilsa, birinchidin, xitay hökümitining qattiq qarshiliqigha uchraydu, ikkinchidin, bu amérikida hökümetni tenqid qiliwatqanlargha hökümetke hujum qilish üchün bir purset yaritip béridu."

"Lékin", deydu alin bork maqaliside, "amérika hökümiti béyjingning tenqidlirige qarimasliqi kérek . Chünki amérika hazirghiche, xitay hökümitini térrorchiliqqa qarshi urushtin paydilinip Uyghurlarning tinchliq yoli bilen élip bériwatqan herikitini basturmasliq toghrisida agahlandurup keldi. Shundaqla amérika hökümiti, eger adil we ababekrige amérikida panahliq bérilse, xitay hökümitining xelq'ara térorchiliqqa qarshi urushtiki hemkarliqini toxtitishidin endishe qilishi mumkin. Méningche, xitay bu mesiliside amérika bilen ezeldin yiterlik hemkarlashmidi shunga bu jehette chong bir yoqitish bolmaydu"

Maqaliside, amérika hökümitining ichki jehettiki tenqidlerdinmu qorqmasliqini tekitligen alin bork, amérika hökümitining gu'antanamodiki Uyghurlargha amérikida panahliq bérishi hökümetning étibarini yuqiri kötüridu xalas, dégen . (Eqide)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet