Америка гуантанамодики кишиләрни дөлитигә қайтуруш үчүн дөләтләр билән сөһбәтләшмәктә


2005-08-09
Share

Америка ташқи ишлар министирлиқиниң баянатчиси скот макмилан бүгүн вашингтонда бәргән баянатида, гуантанамода тутуп туриливатқан кишиләрни өз дөләтлиригә қайтуруш вә яки уларни үчинчи бир дөләткә әвәтиш тоғрисида бәзи дөләтләр билән елип бериливатқан сөһбәтләрниң ахирқи басқучқа кәлгәнликини билдүрди.

Америка ташқи ишлар минситирлиқиниң баянатчиси, мухбирларниң гуантанамода тутуп туриливатқан уйғурларниң ақивитиниң қандақ болидиғанғанлиқи тоғрисидики соалиға җаваб берип, бизниң баштин бири елип бериватқан сияситимиз. Гуантанамода тутуп туруватқанларни көпләп өз дөләтлиригә қайтуруштин ибарәт. Һазирғичә 70 кишини өз дөләтлиригә қайтурдуқ. Мәсилән һазир, афғанистан билән гуантанамода тутуп туруватқан бир түркүм кишиләрни мәзкур дөләткә қайтуруш үчүн сөһбәт елип бериватимиз.

Макмилан гуантанамода тутуп туриливатқан уйғурлар һәққидә тохтилип "уйғурлар мәсилисигә кәлсәк, бизниң омумий принсипимиз гуантанамодики кишиләрни өз дөләтлиригә қайтурушта икки мәсилигә диққәт қилиш. Биринчиси, уларниң америкиға шундақла өз дөләтлиригә тәһдит елип кәлмәслики. Иккинчи, уларниң өз дөләтлиридә җазаға учримаслиқи. Әгәр мушу мәсилидә келишәлисәк уларни өз дөләтлиригә әвәтишимиз мумкин".

Икки күн бурун " һәптилик өлчәм" жорнилида елан қилинған бир мақалидә, америкиниң гуантанамода тутуп туруватқан уйғурларни хитайға қайтурмай, уларға америкида панаһлиқ бериши тәләп қилинған иди. (Қанат)

Пикирләр (0)

Барлиқ пикир - баянларни көрүш.

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.

Толуқ бәт