Amérika gu'antanamodiki kishilerni dölitige qayturush üchün döletler bilen söhbetleshmekte


2005-08-09
Share

Amérika tashqi ishlar ministirliqining bayanatchisi skot makmilan bügün washin'gtonda bergen bayanatida, gu'antanamoda tutup turiliwatqan kishilerni öz döletlirige qayturush we yaki ularni üchinchi bir döletke ewetish toghrisida bezi döletler bilen élip bériliwatqan söhbetlerning axirqi basquchqa kelgenlikini bildürdi.

Amérika tashqi ishlar minsitirliqining bayanatchisi, muxbirlarning gu'antanamoda tutup turiliwatqan Uyghurlarning aqiwitining qandaq bolidighan'ghanliqi toghrisidiki so'aligha jawab bérip, bizning bashtin biri élip bériwatqan siyasitimiz. Gu'antanamoda tutup turuwatqanlarni köplep öz döletlirige qayturushtin ibaret. Hazirghiche 70 kishini öz döletlirige qayturduq. Mesilen hazir, afghanistan bilen gu'antanamoda tutup turuwatqan bir türküm kishilerni mezkur döletke qayturush üchün söhbet élip bériwatimiz.

Makmilan gu'antanamoda tutup turiliwatqan Uyghurlar heqqide toxtilip "Uyghurlar mesilisige kelsek, bizning omumiy prinsipimiz gu'antanamodiki kishilerni öz döletlirige qayturushta ikki mesilige diqqet qilish. Birinchisi, ularning amérikigha shundaqla öz döletlirige tehdit élip kelmesliki. Ikkinchi, ularning öz döletliride jazagha uchrimasliqi. Eger mushu mesilide kélishelisek ularni öz döletlirige ewetishimiz mumkin".

Ikki kün burun " heptilik ölchem" zhornilida élan qilin'ghan bir maqalide, amérikining gu'antanamoda tutup turuwatqan Uyghurlarni xitaygha qayturmay, ulargha amérikida panahliq bérishi telep qilin'ghan idi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet