Amérika ammiwi radi'osi gu'antanamodiki Uyghurlarning adwokatini ziyaret qildi


2005-08-21
Share

Gu'antanamodiki Uyghurlarning adwokati séybin willét ependi yéqinda, amérikidiki dangliq döletlik ammiwi radi'o istansisining ziyaritini qobul qilip, gu'antanamodiki Uyghurlarning ehwalini tonushturdi.

Döletlik ammiwi radi'o istansisining bostondiki tarmiqining muxbiri, adwokat séybin willét bilen ötküzgen mexsus söhbitide, amérikining kubadiki gu'antanamo türmiside 3 yildin buyan tutup turiliwatqan Uyghurlarning qandaq qolgha élin'ghanliqi we ularning hazirqi ehwali heqqide so'al qoydi.

Adwokat séybin willét, Uyghurlarning "sherqiy türkistan" liqlar ikenlikini, shundaqla ular xitay hökümitining kontrolliqigha narazi bolup, gu'antanamodiki Uyghurlarningmu xitaygha qarshi turush meqsitide afghanistandiki taliban qoshunlirigha qatniship qalghanliqini, hetta amérika hökümitiningmu ularni "üshmen köreshchiliri emes"dep jakarlighanliqini bildürdi.

U söhbette yene, bu Uyghurlarni xitaygha qayturushqa qet'iy bolmaydighanliqini, chünki ular xitaygha qayturulsa, ölüm jazasigha uchrishi mumkinlikini eskertti.

Amérika paytexti washin'gtondiki bir fédéral sot mehkimisi nöwette adwokat séybé'in willétning, gu'antanamodiki ikki neper Uyghurni qoyup bérish yaki ularni türmidin boshitip, herbiy baza ichide erkin pa'aliyet élip bérishqa yol qoyush telep qilin'ghan erznamisi üstidin sot achmaqta. (Peride)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet