Besh neper Uyghur gu'antanamo türmidin ayrildi
2005.08.26
Kubadiki gu'antanamo türmiside tutup turiliwatqan Uyghurlardin birinchi qedemde besh nepiri ötken hepte chongqur tekshürüshlerdin kéyin ularning amérika üchün xeterlik emesliki békitilip, gu'antanamodiki tutup turush ornidin chiqirilip, bashqa bir tutup turush ornigha yötkep kétilgen.
Xewerge qarighanda bu jayning turmush shara'iti gu'antanamodikidin yaxshiraq bolup, ulargha qoyulghan cheklimiler azaytilghan bolsimu, emma ularning sirt bilen alaqe qilishigha eng töwen derijide yol qoyulghan. Bu besh neper Uyghur yéngidin yötkelgen bu jayda taki ularni melum bir dölet qobul qilghiche turush éhtimalliqi bar iken.
Gu'antanamoda tutup turiliwatqan Uyghurlarning 15 nepirining amérikigha qarshi düshmen jengchisi emesliki békitilgen bolup, amérika hökümiti dawamliq türde ularni xitaygha qayturmastin bashqa döletlerge ewetish yolini izdimekte. Hazirgha qeder 20 ge yéqin dölet ularni qobul qilishtin bash tartqan. Emma, bir qisim xelq'araliq teshkilatlar hemde Uyghur teshkilatliri bu Uyghurlarni amérikida élip qélish pikrini otturigha qoyghan. (Ümidwar)
Munasiwetlik maqalilar
- "Washin'gton pochtisi" gu'antanamodiki Uyghurlar heqqide bash maqale élan qildi
- Amérika ammiwi radi'osi gu'antanamodiki Uyghurlarning adwokatini ziyaret qildi
- Amérika gu'antanamodiki kishilerni dölitige qayturush üchün döletler bilen söhbetleshmekte
- Gu'antanomodiki Uyghurlargha siyasiy panahliq bérish kérek
- Amérika soti gu'antanamodiki ikki Uyghur üstidin sot achti