Amérika, b d t kishilik hoquq mutexessislirini güentanamoni ziyaret qilishqa teklip qildi

Amérika hökümiti yekshenbe küni b d t ning üch neper kishilik hoquq mutexessislirini, amérikining kubaning güentanamo arilidiki tutup turush bazisida tekshürüsh élip bérishqa teklip qildi.

Amérika birleshme axbarat agéntliqining xewirige qarighanda, b d t ning mutexesislirini bu teklibni qarshi alghan. Emma ular tekshürüsh waqtigha aran bir kün bérilgenliki we mehbuslarni xaliy ziyaret qilishqa ijazet bérilmigenliktin epsuslinidighanliqini bildürgen.

Xewerge qarighanda, b d t ning mutexessisliri bu teklipni qubul qilishni qarar qilghan bolsimu, emma mehbuslar bilen ayrim uchrashmasliq heqqidiki shertni ret qilghan. Bu amérikining, b d t güentanamodiki tutup turush ornini tekshürüsh iltimasi sunup, töt yildin kéyin buninggha ruxset qilishi.

Xelq'ara kishilik hoquq teshkilatliri amérikining afghanistanda tutulghan mehbuslarni güentanamoda kisimsiz tutup turushini qattiq eyiblep kelgen. Güentanamo bazisida hetta yigirme nechche mehbusning achliq élan qilip, ularning éytishi boyiche xorluq we qebih mu'amililerge qarshiliq bildürgenliki heqqide xewerler chiqqan idi. Emma amérika da'iriliri, mehbuslarning insanlarche mu'amile qiliwatqanliqida ching turghan.

Xewerge qarighanda, b d t ning kishilik hoquq mutexesisliri 12 - ayning 6 - küni güentanamo tutup turush ornini ziyaret qilishi mumkin. Xelq'ara kishilik hoquqni közitish teshkilati , amérikining bu teklipini qarshi aldi, emma buning yiterlik emeslikini bildürüp, amérikini b d t tekshürgüchilirining mehbuslar bilen xaliy uchrushushqa kapalet qilishqa chaqirdi. (Arzu)