Gu'antanamodiki Uyghur tutqunlar sot mehkimisige chaqirtilishi mumkin

Washin'gtondiki bir amérika fédéral sot mehkimisi düshenbe küni gu'antanamo lagiridiki adil ablikim, ababekri qatarliq Uyghur tutqunlarning délosi üstidin yene sot échip, tutqunlarni sot mehkimisige chaqirtish mumkinchiliki üstide oxshishidighanliqini tekitlidi.

Washin'gtondiki bir amérika fédéral sot mehkimisi düshenbe küni gu'antanamo lagiridiki adil ablikim, ababekri qatarliq Uyghur tutqunlarning délosi üstidin yene sot échip, tutqunlarni sot mehkimisige chaqirtish mumkinchiliki üstide oxshishidighanliqini tekitlidi.

Sotchi robértsonning eskertishiche, u adil we ababekrilerni gu'antanamodin washin'gton'gha chaqirtip, sot mehkimiside özini aqlishigha yol qoyush mumkinchiliki üstide oylishidiken. Sot mehkimisi tutqunlarning teqdiri toghrisidiki hökümini 15 kündin kéyin élan qilidu.

Sotchining tutqunlar üstidin üch xil höküm chiqirish éhtimali barliqi ilgiri sürülmekte. Biri, 3 - dölet qobul qilghiche tutqunlarni dawamliq gu'antanamoda tutup turush, 2 - xil éhtimalliq amérikida élip qélish toghrisida qarar chiqirish, eng köngülsiz éhtimalliq xitaygha qayturush toghrisida höküm chiqirishtin ibaret bolushi mumkin.

Emma közetküchiler 3 ‏- xil éhtimalliqning mumkinchiliki chong emes, dep qarimaqta. "Washin'gton pochtisi '' gézitining xewer qilishiche, amérika da'iriliri bu ikki tutqunni düshmen jengchiliri emes, dep qararlashturghan bolsimu, lékin ularni qoyuwétishni ret qilmaqta. Shuning bilen birge xitaygha tapshurup bérishni ret qilip, ularning xitaygha ötküzüp bérilse ten jazasi we yaki ölüm jazasigha höküm qilinish éhtimali barliqidin ensirimekte.

Amérika hökümiti 20 dek dölettin bu ikki tutqun'gha siyasi panahliq bérishni telep qilghan bolsimu, emma hazirghiche bu döletlerning héch biridin ijabiy jawabqa érishelmidi. (Erkin)