Сотчи гуантанамодики уйғурларни қоюп бериш салаһийитигә игә әмәсликини билдүрди


2005.12.23
Share on WhatsApp
Share on WhatsApp

Гуантанамода тутуп турулуватқан уйғур мәһбуслардин адил абдулһеким вә абабәкри қасимни түрмидин қоюп бериш тоғрисидики әрзни тәкшүрүп чиққан федерал сотчи, уларниң түрмидә тутуп турулушниң қанунсиз икәнликини тәкитлиди.Әмма уларниң қоюп берилиши тоғрисида һөкүм чиқириш салаһийитигә игә әмәсликини билдүрди.

Адил абдулһеким вә абабәкри қасимниң адвукати сәбин вәлит икки һәптә аввал болуп өткән сот мәһкимисидә федерал баш сотчи җимз робиртсондин, америка һөкүмитиниң адил вә абабәкрини гунаһсиз дәп елан қилғанлиқини шуңа һөкүмәт уларни орунлаштуридиған бирәр дөләт тапқичә, уларниң вашнгтонға келип , бу районда яшаватқан уйғурлар арисида турушиға рухсәт беришини тәләп қилған.

Әмма фидрал сотчи адил билән абабәкри һәққидә чиқарған һөкүмидә, улар ниң гуантанамодики түрмидә тутуп турулуватқанлиқиниң қанунсиз икәнликини ипадилигән болсиму, әмма уларниң түрмидин чиқишиниң, америка миллий бихәтәрликигә кәлтүрүп чиқиридиған тәсири һәмдә униң сияисй нәтиҗилири сотниң салаһийитиниң сиртида дәп уларни қоюп беришни рәт қилған.

Федерал сотчиниң адил вә абабәкриниң гуантанамо түрмисидә тутуп турулушини қанунсиз дәп һөкүм чиқарғанлиқидин интайин хошал болғанлиқини билдүргән адввкат сәбин вәлит , әмма сотчиниң уларни түрмидин қоюп беришни рәт қилғанлиқидин қаттиқ әпсусланғанлиқини билдүрди. У адил вә абабәкриниң қоюп берилиши үчүн елип бериватқан қануни вә дипломатийә паалийәтлирини давалаштуридиғанлиқини тәкитлиди.

Сотчи робиртсон адил вә абабәкриниң бу айниң башлирида вашнгтонда болуп өткән сот мәһкимисидә уларни қою беришни ойлишидиғанлиқини билдүргән иди. (Қанат)

Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.