Sotchi gu'antanamodiki Uyghurlarni qoyup bérish salahiyitige ige emeslikini bildürdi


2005-12-23
Share

Gu'antanamoda tutup turuluwatqan Uyghur mehbuslardin adil abdulhékim we ababekri qasimni türmidin qoyup bérish toghrisidiki erzni tekshürüp chiqqan fédéral sotchi, ularning türmide tutup turulushning qanunsiz ikenlikini tekitlidi.Emma ularning qoyup bérilishi toghrisida höküm chiqirish salahiyitige ige emeslikini bildürdi.

Adil abdulhékim we ababekri qasimning adwukati sebin welit ikki hepte awwal bolup ötken sot mehkimiside fédéral bash sotchi jimz robirtsondin, amérika hökümitining adil we ababekrini gunahsiz dep élan qilghanliqini shunga hökümet ularni orunlashturidighan birer dölet tapqiche, ularning washn'gton'gha kélip , bu rayonda yashawatqan Uyghurlar arisida turushigha ruxset bérishini telep qilghan.

Emma fidral sotchi adil bilen ababekri heqqide chiqarghan hökümide, ular ning gu'antanamodiki türmide tutup turuluwatqanliqining qanunsiz ikenlikini ipadiligen bolsimu, emma ularning türmidin chiqishining, amérika milliy bixeterlikige keltürüp chiqiridighan tesiri hemde uning siya'isy netijiliri sotning salahiyitining sirtida dep ularni qoyup bérishni ret qilghan.

Fédéral sotchining adil we ababekrining gu'antanamo türmiside tutup turulushini qanunsiz dep höküm chiqarghanliqidin intayin xoshal bolghanliqini bildürgen adwwkat sebin welit , emma sotchining ularni türmidin qoyup bérishni ret qilghanliqidin qattiq epsuslan'ghanliqini bildürdi. U adil we ababekrining qoyup bérilishi üchün élip bériwatqan qanuni we diplomatiye pa'aliyetlirini dawalashturidighanliqini tekitlidi.

Sotchi robirtson adil we ababekrining bu ayning bashlirida washn'gtonda bolup ötken sot mehkimiside ularni qoyu bérishni oylishidighanliqini bildürgen idi. (Qanat)

Pikirler (0)

Barliq pikir - bayanlarni körüsh.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet