Adwukatlar Uyghur tutqunlarning amérika zéminigha qoyup bérilishini telep qildi


2006.02.14

Kubaning güantanamo arilidiki Uyghur tutqunlardin ababekri qasim bilen adil ablikimlarning adwukatliri, amérika aliy sot mehkimisidin bu ikki Uyghurni amérika zéminigha qoyup bérish toghrisida buyruq chüshürüshini telep qildi. Uyghur tutqunlarning adwukatliri düshenbe küni aliy sot mehkimisige yollighan erznamisida, 2001 - yilning axirliri pakistanda qolgha élin'ghan bu kishiler amérika herbiy da'iriliri teripidin "düshmen jengchisi emes" dep aqlan'ghan, deydu.

Adwukatlar aliy sot mehkimisidin amérika fédiral sot mehkimisining sotchisi jéymiés robértsonning ötken yili 12 - ayda chiqarghan hökümini aghdurushni telep qildi. Fédiral sotchi jéymis robértson, ababekri qasim we adil ablikimlerni dawamliq tutup turush qanunsiz, dep jakarlighan, emma bush hökümitige ularni qoyup bérish toghrisida buyruq chüshürelmeydighanliqini bildürgen.

Birleshme axbarat agéntliqi, Uyghur tutqunlarning " amérika bilen jidel - majiramiz yoq" dégenlikini xewer qildi. Amérika dölet mejlisi ötken yili 12 - ayda tutqunlar mu'amile qanunini maqullap, ularning erz qilish hoquqigha bezi cheklimilerni qoyghan. Uyghur tutqunlarning adwukatining eskertishiche, Uyghur tutqunlar taliban we el - qa'ide bilen munasiwiti yoq dep aqlan'ghanliqtin bu qanundin paydilinalmaydiken. Chünki tutqunlar mu'amile qanunidin amérika herbiy da'iriliri taliban we el - qa'ide bilen munasiwiti bar, dep qarighan " düshmen jengchiliri" la paydilinalaydu.

Amérika hökümiti " düshmen jengchisi emes " dep aqlan'ghan Uyghur tutqunlarni 3 - döletke orunlashturush yolliri üstide dawamliq izdenmekte. Emma hazirghiche ularni qobul qilidighan dölet chiqmidi. Türkiye qatarliq döletler ularni qobul qilishni ret qilghan. (Erkin)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.