Amérika hökümiti gu'antanamo herbiy türmisidiki üch qazaqistan puqrasini türmidin qoyup bérip, qazaqistan'gha qayturdi


2006.12.21

Amérika birleshme agéntliqining xewer qilishiche, qazaqistan tashqi ishlar ministirliqining bayanatchisi ilyas umerof, gu'antanamo herbiy türmisidin qoyup bérilgen üch qazaq puqrasining shenbe küni qazaqistan'gha kelgenlikini we ularning uruq-tuqqanliri teripidin qarshi élin'ghanliqini bildürdi.

Amérika mudapi'e ministirliqi, ötken hepte axiri gu'antanamo herbiy türmiside tutup turuluwatqan mehbuslarning 18 ining öz döletlirige qayturulghanliqini bildürgen. Mudapi'e ministirliqining bildürüshiche, qoyup bérilgen bashqa mehbuslar afghanistan, yemen, liwiye we bén'gal puqraliri iken.

Qazaqistan tashqi ishlar ministirliqining bayanatchisi ömerof, gu'antanamo herbiy türmisidin qoyup bérilgen üch qazaq puqrasining qazaqistanda héchqandaq qanuni jawabkarliqqa tartilmaydighanliqini hemde héchqandaq bir jinayet bilen eyiblenmeydighanliqini bildürdi. Ömerofning éytishiche, mezkur qazaq puqralirining türmidin qoyup bérilgenlikining özi ularning térrorchiliq bilen munasiwiti yoqliqini ispatlaydiken.

Qazaqsitan tashqi ishlar ministirliqining bayanatchisi, gu'antanamo türmisidin qoyup bérilgen qazaq puqralirining étnik kélip chiqishi heqqide melumat bermigen. Emma u, qazaqistan hökümiti gu'antanamo herbiy türmsiside hélimu tutup turuluwatqan yene bir qazaq puqrasining qoyup bérilishi üchün jiddiy pa'aliyet élip bériwatidu dep körsetti. (Qanat)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.