Gu'entanamodiki Uyghur tutqunlarning türme shara'iti tenqidke uchridi


2007.01.30

"Washin'gton pochtisi" géziti seyshenbe küni gu'entanamodiki Uyghurlar heqqide maqale élan qilip, Uyghur tutqunlarning adwokatliri mezkur lagirdiki Uyghurlarning ötken ayda künige az kem 24 sa'et yalghuz solinidighan kamirlargha yötkiwétilgenlikidin narazi bolghanliqini shundaqla adwukatlarning tutqunlarni yalghuz solash ularning rohi salametlikige ziyan yetküzüshi mumkin, dep ensirewatqanliqini ilgiri sürdi.

"Washin'gton pochtisi" gézitining eskertishiche, tutqunlarning adwokati seybin wéllit 13 neper Uyghur tutqunning ötken yili 12 - ayda lagirdiki 4 - nomurluq türmidin, tutqunlar asasen yalghuz solinidighan we bixeterlik tedbirliri téximu qattiq bolghan 6 - nomurluq türmige yötkiwétilgenlikini bildürgen. Seybin willét, düshenbe küni Uyghur tutqunlarning mesilisini tézrek bir terep qilish heqqide amérika fédéral sot mehkimisige iltimas yollighan. Gu'entanamodiki 22 neper Uyghur tutqunning 5 nepiri, ötken yili albaniyige qoyup bérilgen bolsimu, lékin qalghan Uyghurlar mezkur lagirda dawamliq tutup turulmaqta.

"Washin'gton pochtisi" géziti, adwokatlarning Uyghur tutqunlar mesilisini tézrek bir terep qilish yolidiki pa'aliyiti ötken yili amérika dölet mejlisi chiqarghan bir qanun bilen téximu qiyinlashqanliqidin shikayetchi ikenlikini bildürdi. Lékin gu'entanamo lagiri bayanatchisi robért durand, 4 - türmining rimont qiliniwatqanliqini, rimont pütse 6 - türmidiki bir qisim tutqunlarning 4 - türmige qayturup kélinidighanliqini tekitligen.

Robért durandning eskertishiche, nöwette 6 - nomurluq türmide 160 neper tutqun tutup turulmaqta. U, bu yerdiki tutqunlargha insaniy mu'amile qiliniwatqanliqini bildürgen. (Gülchéhre)

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.