Güentanamodiki Uyghurlarni orunlashturush mesilisidiki yoshurun muzakiriler

Kanadada chiqidighan Globe and Mail The géziti bügün yeni 2 ‏ - iyun xewiride güentanamodiki Uyghurlarni yötkesh mesiliside bir türküm döletler ara élip bérilghan bir türküm yoshurun muzakirilerni ashkarilighan.
Muxbirimiz shöhret hoshur xewiri
2008-06-02
Share

 Xewerde ashkarilinishiche, eslide kanada güentanamodiki Uyghur mehbuslarni qobul qilishqa qétilghan bolup, kanada puqrasi hüseyin jélilning özbékistanda xitaygha qayturulushi, kanadani mezkur pilanidin axirqi minutlarda waz kéchishke mejburlighan. Kanada öz puqrasi bolghan hüseyin jélilni xitaydin qayturup ekilishte qiyinchiliqlarni köpeytiwalmasliq üchün güentanamodiki Uyghur mehbuslarni qobul qilish pilanidin waz kechken.

The Globe and Mail Géziti mezkur xewerni kanada hökümet erbablirini ziyaret qilish, uchur erkinliki ehdinamisigha asasen perde arqisida dawam qilghan siyasiy muzakire arxiplirini körüsh arqiliq igiligen. Xewerde bildürülishiche, xitay güentanamodiki Uyghurlarni qayturup ekétish we bashqa döletlerning qobul qilishining aldini élish üchün 100 din artuq döletke mektup yollighan we güentanamodiki Uyghurlarni qobul qilishni xelq'ara qanunlargha xilap dep agahlandurghan. Amérika bolsa Uyghurlarni qobul qilish heqqide köpligen döletlerge xizmet ishligen.

Xewerde yene ashkarilinishiche, amérika albaniyining yawropa birlikige kirishige yardem bérish sherti bilen Uyghurlarni albaniyige qobul qildurghan. Albaniye Uyghurlarni qobul qilghandin kéyinla, amérika albaniyining yawropa ittipaqigha kirishini qollaydighanliqini bildürüp bayanat bergen.

Yene mezkur xewerde ashkarilinishiche, güentanamo türmisidiki 5 neper Uyghurning albaniyige orunlishish xirajiti üchün amérika albaniyige bir milyon dollardin artuq pul bergen.

Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.

Toluq bet