Америка федератсийә әрзийәт соти гүәнтанамодики уйғур мәһбус пәрһатни қоюветиш қарари алди

23 - Июн дүшәнбә күни америка федератсийә әрзийәт соти гүәнтанамода тутуп турулуватқан уйғур мәһбус пәрһат һузәйфәни ақлап чиқип униңға артилған "душмән җәңчиси" җинайитини ағдуруп ташлап, уни қоюветиш қарарини алди.
Мухбиримиз җүмә хәвири
2008.06.23

 Уйғур мәһбус пәрһат һөзәйфә америка дөләт мудапиә идариси тәрипидин дүшмән җәңчиси дәп әйиблинип 6 йилдин буян америкиниң гүәнтанамо һәрбий базисиға җайлашқан һәрбий түрмидә тутуп турулуватқан иди.

Бирләшмә агентлиқида хәвәр қилинишчә, америка федератсийә әрзийәт соти америка һәрбий соти пәрһатқа артқан "дүшмән җәңчиси" җинайитини ағдуруп ташлап, америка һәрбий даирилиригә уни дәрһал қоюветишни буйруған.

Пәрһат 2001 - йили америка армийиси афғанистанға һуҗум қилғандин кейин қолға чүшкән һәмдә "душмән җәңчиси" дегән гуман билән америкиниң гүәнтанамодики һәрбий түрмисидә йетиватқан иди.

2006 - Йили америка қошам шитатлири әйни вақитта пәрһат билән тутулған уйғур мәһбуслардин 5 нәпәрни қоювәткән һәмдә албанийигә йәрләштүргән иди.
Мунасивәтлик хәвәрләр
Уйғур хәвәрлири
Пикир қошуң

Радиониң ишлитиш шәртлиригә асасән, пикирлириңиз тәкшүргүчиләр тәрипидин тәстиқлиниши вә мувапиқ дәриҗидә тәһрирлиниши түпәйли, тор бәттә дәрһал пәйда болмайду. Сиз қалдурған мәзмунға әркин асия радиоси җавабкар болмайду. Башқиларниң көз қариши вә һәқиқәткә һөрмәт қилишиңизни сораймиз.