Amérika fédératsiye erziyet soti güentanamodiki Uyghur mehbus perhatni qoyuwétish qarari aldi

23 - Iyun düshenbe küni amérika fédératsiye erziyet soti güentanamoda tutup turuluwatqan Uyghur mehbus perhat huzeyfeni aqlap chiqip uninggha artilghan "dushmen jengchisi" jinayitini aghdurup tashlap, uni qoyuwétish qararini aldi.
Muxbirimiz jüme xewiri
2008.06.23

 Uyghur mehbus perhat hözeyfe amérika dölet mudapi'e idarisi teripidin düshmen jengchisi dep eyiblinip 6 yildin buyan amérikining güentanamo herbiy bazisigha jaylashqan herbiy türmide tutup turuluwatqan idi.

Birleshme agéntliqida xewer qilinishche, amérika fédératsiye erziyet soti amérika herbiy soti perhatqa artqan "düshmen jengchisi" jinayitini aghdurup tashlap, amérika herbiy da'irilirige uni derhal qoyuwétishni buyrughan.

Perhat 2001 - yili amérika armiyisi afghanistan'gha hujum qilghandin kéyin qolgha chüshken hemde "dushmen jengchisi" dégen guman bilen amérikining güentanamodiki herbiy türmiside yétiwatqan idi.

2006 - Yili amérika qosham shitatliri eyni waqitta perhat bilen tutulghan Uyghur mehbuslardin 5 neperni qoyuwetken hemde albaniyige yerleshtürgen idi.
Pikir qoshung

Radi'oning ishlitish shertlirige asasen, pikirliringiz tekshürgüchiler teripidin testiqlinishi we muwapiq derijide tehrirlinishi tüpeyli, tor bette derhal peyda bolmaydu. Siz qaldurghan mezmun'gha erkin asiya radi'osi jawabkar bolmaydu. Bashqilarning köz qarishi we heqiqetke hörmet qilishingizni soraymiz.