Amérika sot mehkimisi gu'antanamoda qépqalghan Uyghur tutqunlar üstidin sot achidu

Amérikining washin'gton alahide rayonidiki bir fédiral ottura sot mehkimisi kéler düshenbe küni gu'antanamoda tutup turuluwatqan Uyghur tutqunlar üstidin sot achidu. Gu'antanamodiki 5 neper Uyghur musapir albaniyige orunlashturulghan bolsimu, lékin 17 neper Uyghur tutquni bu yerde dawamliq tutup turulmaqta.

Uyghur tutqunlarning adwukati seybin wéllitning eskertishiche, sot mehkimisi tutqunlarning güentanamodiki Uyghurlarni bu yerdiki bashqa tutqunlarning dilosi bir terep bolghüche saqlap turush, ikkinchidin, bush hökümiti Uyghur tutqunlarni 3 - bir döletke yollimaqchi bolsa, aldin'ala élan qilish toghrisidiki iltimasini körüp chiqidiken.

Bush hükümiti bu yil 5 - ayda 5 Uyghur musapirni albaniyige orunlashturghan bolsimu, lékin buni aldin'ala élan qilmighan ehwal astida mexpiy élip bardi. Bush hökümitining bu herikiti hazir albaniyide yashaydighan 5 Uyghur musapir we ularning adwukatlirining naraziliqini qozghighan. (Erkin)